Тошкентда республика тоифасидаги ҳакамлар учун семинар ўтказилмоқда
25 feb 2015 15:05
News

Тошкентда республика тоифасидаги ҳакамлар учун семинар ўтказилмоқда

Тошкентдаги "Рамада" (собиқ "Турон Парк") меҳмонхонасида республика тоифасидаги ҳакамлар ва ҳакамларни тайёрлайдиган йўриқчилар учун ФИФАнинг ўқув ва малака ошириш курслари бўлиб ўтмоқда.

23 февралда бошланган халқаро семинарда Саудия Арабистонилик ФИФА йўриқчиси Али Траифий, ўзбекистонлик ОФК йўриқчиси Фарҳод Абдуллаевлар назарий ва амалий машғулот олиб бормоқда.

26 февралгача давом этадиган ушбу семинарда 25 нафар ҳакам ва 5 нафар ҳакамларни тайёрлаш бўйича йўриқчилар иштирок этмоқда.

Семинарнинг сўнгги куни, яъни 26 февраль куни Али Траифий ва Фарҳод Абдуллаевлар, шунингдек, ОАВ вакиллари учун ҳам учрашиб, уларга ўйин қоидаларига киритилган ўзгартиришлар билан таништириб, баҳс-мунозарали вазиятларга баҳо бериш, фолни аниқлаш бўйича видеоматериалларни намойиш этади.

ОАВ семинари 26 февраль куни 16:00 да "Рамада" (собиқ "Турон Парк") меҳмонхонасида бўлиб ўтади. Кириш эркин.

Link :

Source : the-uff.com

Receive latest football news directly on your phone. Subscribe for our Telegram channel!

Rating: