Тошкент шаҳар футбол Ассоциацияси Тошкент бўйича тўлиқ ахборот тўплайди

Эндиги навбат Тошкент шаҳрини зимдан ўрганишга келган кўринади. Бу ҳақда ташкилотнинг телеграмдаги расмий канали хабар беради.

Тошкент шаҳар жисмоний тарбия ва спорт бошқармаси ҳамда Тошкент шаҳар футбол ассоциацияси ҳамкорликда, Ўзбекистон Республикаси Президентининг 5887-сонли фармони асосида пойтахтдаги барча Спорт мактаблари (ИБЎСМ, БЎСМ, БЎФМ, Олий маҳорат мактаби), шахсий клублар, давлат клубларини ўрганиб чиқади.

Катта эътибор спорт мактабларига қаратилади ва энди уларнинг иш сифатини ошириш борасида махсус лойиҳа ишлаб чиқилади.

Ўрганиш натижаси Ўзбекистон футбол Ассоциацияси Президенти Абдусалом Азизов, Ўзбекистон Республикаси жисмоний тарбия ва спорт вазири Дилмурод Набиев, ЎФА Вице-президенти ҳамда Спорт вазирининг биринчи ўринбосари Равшан Эрматов, Тошкент шаҳар ҳокими Жаҳонгир Ортиқхўжаевга тақдим қилинади.

Камчиликлар таҳлил қилиниб, 2020 йил сентябрь ойидан Тошкент шаҳар футбол ассоциациясининг янги кўринишдаги иш услубига ўтилади.