Тони Кроос Педрини ўз позициясида энг кучли футболчи деб билади
06 may 15:17
News
Тони Кроос Педрини ўз позициясида энг кучли футболчи деб билади
Крооснинг таъкидлашича, 22 ёшли ярим ҳимоячи ҳозирги "Барса"нинг асосий фигураси ва замонавий футболнинг энг қиммат футболчиларидан бири.
"Менинг фикримча, Педри – ўз позициясида энг зўр. Бу рақибдан қатъий назар майдонга тушмаса, ўрни сезиладиган футболчи. У нафақат гол уради ва узатмаларни амалга оширади, балки жамоага ечимлар таклиф этади. Биргина Чемпионлар Лигасида у ҳар бир учрашувда рақибни ўртача 52 марта алдайди, Ла Лигада эса 59 марта. У умумий олсак, 11-12 ҳимоячини ортда қолдиради. Бу жуда катта рақам", – деди Кроос.

"Реал" собиқ футболчисининг сўзлари, айниқса, "Барселона"нинг жорий мавсумдаги ўйинларидан келиб чиққан ҳолда рамзий маънога эга. Ханси Флик бошчилигидаги жамоа аллақачон иккита соврин – Испания Суперкубоги ва Испания Кубогини қўлга киритди. Боз устига, ҳар икки финалда каталонияликлар "Реал"ни мағлуб этишди (5:2 ва 3:2), шунингдек, Ла Лига баҳсида ҳам ишончли ғалабага эришдилар (4:0).
Бундан ташқари, "Барселона" УEФА Чемпионлар Лигаси ярим финалига қадар етиб борди ва "Интер" билан ўйнамоқда. Биринчи учрашув 3:3 ҳисобидаги дуранг билан якунланган бўлса, жавоб ўйини 6 майдан 7 майга ўтар кечаси Италияда бўлиб ўтади.
Similar news
championat.asia
U-17 ЖЧ. Ўзбекистон Панама дарвозасига 6 та тўп йўллади
Шавкат Мирзиёев Янги Тошкентда барпо этиладиган 55 минг ўринли стадион қурилишига тамал тоши қўйди
Ла Лига. "Сельта" ва "Барселона" ўртасидаги ўйинда 6 та гол урилди, Де Йонг майдондан четлатилди
Суперлига. Бугун 3 та учрашув бор
Comments