Томас Мюллер "Бавария"ни тарк этишини эълон қилди

35 ёшли футболчи бўлажак клублар ўртасидаги жаҳон чемпионатида жамоа сафида ҳаракат қилишни режалаштирмоқда.

Мюллер ўз баёнотида жамоани тарк этиш қарори клубнинг у билан шартномани узайтирмаслик қарори билан боғлиқлигини таъкидлаган.

"Клуб мен билан келаси мавсум учун янги шартнома борасида келишиб олмасликка қарор қилди. Клуб ўз тамойилларига амал қилиши муҳим, гарчи бу менинг шахсий истакларимга мос келмаса ҳам. Клубнинг улар учун осон бўлмаган бу қарорига ҳурмат билан қарайман," - деб ёзди Мюллер ижтимоий тармоқдаги саҳифасида.

Мюллер 2007 йилнинг 15 августида "Бавария"нинг асосий таркибида дебют қилган. У 12 марта Германия чемпиони бўлган.