Latest news

22:59Виталий Левченко: "Динамо"нинг турнир жадвалида биздан юқори эканлиги футболчиларга қўшимча мотивация берди"  0 22:25Осиё Кубоги саралаши. Ўзбекистон аёллар терма жамоаси Лаос дарвозасига еттита жавобсиз тўп киритди  6 22:19"Милан" 20 млн евродан зиёдга Италия термаси футболчисини сотиб олади  1 22:14Ўзбекистон кубоги. Чорак финалнинг барча иштирокчилари аниқ!  2 21:58Суперлига. "Нефтчи" қолдирилган ўйинда "Динамо"ни ишончли ҳисобда ютиб, 3-ўринга кўтарилиб олди  47 21:55Ўзбекистон Кубоги. "Пахтакор" ва "Навбаҳор" ўз рақибларини мағлубиятга учратиб, чорак финалга йўл олишди  24 21:10Расман: "Атлетико" Баэнани "Вильярреал"дан 45+5 миллион еврога сотиб олди  0 20:35Расман: "Челси" 60 миллион фунтлик трансферни амалга оширди  1 18:50Куртуа Трент ҳақида: "Унинг жарима зарбалари ва бурчак тўплари – бошқа даражада, бундай техникaни ҳеч қачон кўрмаганман"  3 18:27Эшитдик-да! Шацких "Пахтакор"дан икки андижонлик футболчини "Андижон"га олиб келмоқчи  18 17:49Клублар ўртасидаги Жаҳон чемпионатида қайси жамоа ғолиб бўлади? Opta жавоб берди  12 17:10Лаутаро билан Чалханоғлу ўртасидаги низо туфайли "Интер"да фавқулодда йиғилиш бўлиб ўтди  4 16:05Марказий Осиё. Қозоғистонда пешқадам очко йўқотди, Қирғиз Республикасида кубок ярим финалчилари маълум, Туркманистонда "Аркадағ" 3 та гол ўтказиб юборди  1 15:28Зейтуллаев, Алибоев, Йўлдошев ва Жиянов — Суперлигада 14-турнинг энг яхшилари  4 14:07Алибоев, Норчаев, Жиянов, Ҳожимирзаев ... Суперлига 14-тур рамзий терма жамоаси  11

Тожикистон бош мураббийи Петар Сегрт — "CAFA Nations Cup 2023”, Ўзбекистон ва гуруҳдаги қолган рақиблар ҳақида News

Тожикистон бош мураббийи Петар Сегрт — "CAFA Nations Cup 2023”, Ўзбекистон ва гуруҳдаги қолган рақиблар ҳақида

Тожикистон терма жамоаси "CAFA Nations Cup 2023” турнирига тайёргарликнинг сўнгги босқичини Тошкентда олиб боряпти.

Петар Сегрт шогирдлари илк турда Туркманистон билан беллашади. Тайёргарлик жараёнлари ва мусобақадаги рақиблар ҳақида Тожикистон бош мураббийига юзландик. 


- Жаноб мураббий дастлаб мусобақага тайёргарлик ҳақида фикрларингизни билдириб ўтсангиз?

- Тайёргарлик доим режа асосида ва яхши кетаётганди. Лекин бироз тушунмовчилик бўлди, очиғи нима бўлганини билмайман. Ҳали қаерда машғулот ўтказишимиз номаълум бўлиб турганди. Футболчиларим қуёшда туриб қолишди. (Тушунтириш: Тожикистон терма жамоаси кеча машғулот учун "Бунёдкор" академиясига қарашли 7 майдонга келган, у ерда Ўзбекистон U-23 терма жамоаси машғулот ўтаётгани боис, маълум вақтдан сўнг Тожикистонга академия майдонларидан бошқаси тақдим қилинган). 

- Гуруҳдаги рақибларни қанчалик ўргандингиз? Ўзбекистон, Туркманистонни ўрганиш қийин бўлмаган бўлса керак?

- Айни вақтда биз учун энг қийин рақиб Туркманистон бўлиб турибди. Чунки биринчи бўлиб уларга қарши тўп тепамиз.  Уммон ва Ўзбекистонни ҳам осон жамоа демаган бўлардим. Биринчи учрашув доим қийин бўлади. Туркманистон мусобақадаги илк рақибимиз. Уммон ва Ўзбекистон албатта гуруҳ фаворитлари. ФИФА рейтингини олиб қараганда улар юқорида. Бугунги вақтда фақат Туркманистонни ўйлаяпмиз. Бу учрашув тугагач қолган рақибларга эътибор қаратамиз. Туркманистон биздаги маълумотларга қараганда жуда яхши тайёргарлик кўрган. Россияда ўқув-машғулот йиғинини ўтказганини биламиз. Уларда барча футболчилар жамланган. Бизда ундай эмас. Футболчилар ихтиёримизга бирин-кетин етиб келишмоқда. Мазкур ҳолатни тўғри қабул қилишимиз керак. Чунки ФИФА кунлари 12 июнь санасидан бошланади. Битта ўйин орқали ҳар қандай рақибга муаммо туғдира оламиз. 

- Ўзбекистон билан "Navruz Cup" мусобақасида ҳам тўқнаш келган эдинглар. Шундан сўнг Ўзбекистон терма жамоасида ўзгаришларни сездингизми?

- Ижобий ўзгаришлар кўзга ташланаётганини айтишим мумкин. Ўтган сафар учрашганимизда Сречко Катанец билан гаплашиш насиб қилганди. Сизларда ёшлар, болалар футболида потенциал юқори. Сўнгги 5 йилликда катта ҳажмдаги ишлар амалга оширилди. Ўзбекистон ёшлар, ўсмирлар терма жамоалари Осиёда Япония, Кореяга тенглаша олади. Эътиборга молик жиҳати ўзбек футболи инфратузилмаси, майдонлари, шароитлар яхши даражада. Бизда эса ресурслар чекланган. Тожикистонда Ўзбекистонга нисбатан аҳоли ҳам кам. Рақибларга қарши нимадир қилишимиз мумкин. Сўзим давомида ўзбекистонлик одамларнинг самимийлигини айтмасам бўлмайди. Ўзбекистонга иккинчи ташрифим. Наманганда меҳмондўстлик руҳида кутиб олишгани ёдимда. Тошкентда ҳам бизни дўстона ва илиқ руҳда қабул қилишди. Оддий одамлар кўчаларда, меҳмонхонада доим ёрдам беришга ҳаракат қилади. Бундан жуда хурсандман. 

- Ўзбекистон чемпионатида ўйнаётган тожикистонлик футболчиларнинг ҳолати сизни қониқтиряптими? Чунки уларда ўйин амалиёти ҳар хил...

- Ҳар бир мураббий ўз футболчисининг клубида 90 дақиқа ўйнашини истайди. Начора вазият шундай. Таркибимизда Болгария, Туркия, Грузия чемпионатларида легионерларимиз бор. Ўзбекистон чемпионати кучли. Ҳаммаси юқори даражада. Ўзбекистон футбол ассоциациясида жуда яхши раҳбарият ишлаяпти. Бу ёшлар терма жамоасида ўз мевасини берди. Тожикистон фаолиятимдаги 4 терма жамоа. Шундай экан кимни қандай солиштиришни биламан. Якуний сўзим шуки, Ўзбекистонни жуда яхши келажак кутяпти. Бўлғусида сизларга омад тилайман.

Rating: +5   

Comments

championat.asia
< show latest news
Яндекс.Метрика