Latest news

03:45ЕЧЛ. ПСЖ пенальтилар сериясида "Ливерпул"ни мағлубиятга учратиб, чорак финалга йўл олди. "Бавария" ва "Интер" ҳам чорак финалда  125 03:05Элит ОЧЛ. "Ал Ҳилол" ўз майдонида "Пахтакор"га тўртта гол урди  141 00:45ЕЧЛ. "Барселона" жавоб ўйинида "Бенфика"га ҳеч қандай имконият қолдирмади ва чорак финалга йўл олди  81 23:42"Пахтакор" ва "Ал Ҳилол" ўзаро ўйинлар тарихи  5 23:41"Барселона" – "Бенфика" учрашувида рўзадор футболчилар оғиз очиб олиши ўйин тўхтатиб турилди  14 23:25Фримпонг "Барса" ёки "Реал"га ўтмоқчи  5 23:08"Қўқон-1912" эртага тақдимот маросимини ўтказади. Тадбир мухлислар ва ОАВ учун очиқ   0 22:27Фарғона вилояти ҳокими "Нефтчи" қароргоҳида бўлди  1 21:26"Сурхон" Термизда таништирув маросими ўтказди  5 21:15АПЛнинг учта гранд жамоаси Рафиньяни сотиб олмоқчи  3 20:50Артета АПЛ ёки ЕЧЛдан қайси бирини ютишни кўпроқ хоҳлайди?  1 20:25"Манчестер Сити" Флориан Вирц билан музокараларни бошлади  6 19:59Ван Дейк - ПСЖ билан ўйин ҳақида: "Умид қиламанки, "Ливерпуль" Чемпионлар Лигаси чорак финалига чиқади"  1 19:31Клопп ўзининг энг катта трансфер хатосини айтди  1 19:08Гвардиола Родрига ўринбосар топди  1

Тимур Кападзе: "Сўғдиёна" бизга қарши умуман бошқа тактикада ҳаракат қилди" News

Тимур Кападзе: "Сўғдиёна" бизга қарши умуман бошқа тактикада ҳаракат қилди"

Суперлига учинчи туридан ўрин олган "Сўғдиёна" – "Олимпик" (2:2) учрашувидан сўнг меҳмонлар бош мураббийи Тимур Кападзе ўйин ҳақидаги фикрларини билдириб ўтди.

- Ўйин ҳақида

- Қизиқарли ўйин бўлди. Иккала жамоа ҳам яхши ўйин кўрсатдик. Икки тўп фарқини йўққа чиқарганимиздан хурсандман, қийин ҳолатдан чиқиб кетдик. Ғалаба қозонишимиз ҳам, мағлуб бўлишимиз ҳам мумкин эди. Ўйин охирида очик футбол кўрдик. Бугун йигитлар яхши ҳаракат қилишди дея оламан. Қаердадир хатолар бўлган бўлиши мумкин, аммо йигитлардан қониқдим. Қийин учрашувда бир очко қўлга киритдик. ФИФА кунларида терма жамоага эътибор қаратамиз.

- "Олимпик" қийин вазиятдан чиқиб кета олди. Шу ҳолатда "Сўғдиёна" қандай камчиликларга йўл қўйди деб ҳисоблайсиз?

- Иккала жамоа ҳам кечаги ноқулай ҳаво сабаб машғулот ўтказа олмади. Лекин рақиб ўйинга жуда яхши тайёрлангани сезилди. Биринчи голда ҳимоячимиз хатога йўл қўйди, ўша ерда яхшироқ ўйнаши ҳам мумкин эди. Бу футбол. Мавсум бошида ҳаммада хато бўлади. Бу табиий ҳолат. "Сўғдиёна" ҳам бу ҳолатдан яхши чиқиб кетади деб ўйлайман. Биз ҳам ўйиндан ўйинга очилиб борамиз. Рақибнинг охирги икки ўйинини ўрганиб чиққандик. Бу ўйинларда "Сўғдиёна" бошқа тактикада ўйнаганди. Биздан келиб чиқиб бугун умуман бошқа тактикада ҳаракат қилишди. Рақибга омад тилайман. Камчиликларга келсак, рақиб мураббийи бу ўйиндаги камчиликларидан керакли ҳулоса чиқаради. Бугун энг муҳими мухлислар учун яхши ўйин бўлди.

- Сизни жуда тартибли мураббий деб биламиз. Бугунги ўйинда эса жуда кўп марта ҳакамларга ва ўз шогирдларингизга эътироз билдирдингиз. Бунга қандай изоҳ берасиз?

- Бугун мен ҳам майдонда эдим. Қаердадир қизишиб кетасиз, қаердадир нимадир ўхшамайди. Балки, ҳакамларга вазият бошқача кўринаётгандир. Мен ҳам анча йил футбол ўйнаганман. Ўйиндаги вазиятларни яхши тушунаман. Шу сабаб ҳам қаердадир эътироз қилишим табиий ҳолат. Иккинчи голда менимча тўп футболчининг қўлига текканди. Фол бор эди. Бу вазиятларни кўриб чиқамиз. Менда ВАР ёки такрорий вазият йўқ эди. Ҳакамлар қўмитаси ҳам бу вазиятларни кўриб чиқади. Ҳеч ким ютқазишни хоҳламайди. Балки, баъзи ҳолатларда кўпроқ қизишиб кетгандирман. Мағлубиятни ёмон кўраман. Бу нормал ҳолат. Қаердадир ноҳақликлар бўлса бунга чидай олмайман. Ҳар бир ўйинга жуда кўп тайёргарлик кўрамиз. Анча иш олиб борилади, машғулотлар, назария дарслари ўтилади. Майдонда икки жамоа ҳам ғалаба учун чиқади. Қайсидир эпизодда ҳакамлар қилган хатолар биз учун жуда оғир ботади. Баъзи вазиятларни ҳисобга олмасак, ҳакамлар ўйинни яхши бошқарди.

Rating: +2   

Comments

championat.asia
< show latest news
Яндекс.Метрика