Тимати Black Star Sport футбол агентлиги дастлабки икки футболчини таништирди

Тадбирда Black Star Inc. компаниясининг таъсисчилари Павел Курьянов ва Вальтер Леруссе, Black Star Sport бош директори Юрий Штромбергер ва Москва футбол федерацияси президенти Сергей Анохин иштирок этишди.

Black Star компанияси таъсисчиси Павел Курьянов агентликнинг режалари ҳамда истиқболли ёш футболчилар ҳақида гапирди.

"Бугун биз илк икки футболчи билан шартнома имзоладик, аммо иш бошлаганимизга ярим йилдан кўпроқ вақт бўлди. Бугун "Инстаграм"даги саҳифамиз очилади. Энди ўз ишимиз ва агентликнинг ривожланиши ҳақида доимо хабар бериб турамиз. Яқин вақт ичида яна бир футболчи билан шартнома тузишимиз керак. Ёш ва истиқболлик футболчиларга кўпроқ эътибор қаратамиз, бироқ ҳаммани кўздан кечирамиз. Биз амалдаги спортчи ёки кўчадаги йигит билан битим тузишимиз мумкин.

Янги футболчиларимиз мураббийлар, психологлар, диетолог ва турли чет эллик мутахассислар билан ишлаш имкониятига эга бўлади. Йигитлар Европанинг турли клубларида шуғулланиши ва ўзининг маҳоратини ошириши мумкин бўлади. Футболчиларимиз билан ҳеч қандай можаро бўлмайди ва бўлиши ҳам мумкин эмас. Футбол майдонидаги муваффақиятдан ташқари, биз уларнинг шахсий ҳаёти ва ўзини тутишини кузатиб борамиз. Футболчи футболчилигича қолиши керак" - дейди Курьянов.