Тиаго Силва ПСЖ ҳақида: "Рамоснинг трансферини тушуна олмадим. Бир хил ёшда унга 2 йиллик шартнома таклиф қилишди, менга эса йўқ"

"Мен бўлиб ўтган ишлар ҳақида жуда кўп ўйладим. Серхио Рамосга нисбатан ҳеч қандай адоватим йўқ. Бироқ ПСЖ Серхиога 2 йиллик шартнома таклиф қилганида у ўтган йили мен неччи ёш бўлган бўлсам, худди шу ёшда эди. Мен буни тушунолмадим. Ўхшаш вазиятда икки хил муносабат, бу мени қаттиқ хафа қилди.

Рамос ҳақида ПСЖ футболчиларининг ҳеч бири билан гаплашганимча йўқ, аммо мен клубдан хафа бўлдим. Менга ҳеч қандай таклиф билдиришмади. Менга худди клубга ҳеч қандай фойдаси тегмаган инсондек муносабатда бўлишди. Кўплаб мухлислар, мени катта маош олишни истаган деб ўйлашади. "Челси" билан ортиқча муаммо бўлгани йўқ. Менинг маошим... Лондонда ПСЖ"да олган маошимнинг ярмидан камроқ сумма тўлашмоқда.

Шунчаки мен улар охирида кўрсатган муносабатидан ранжидим. Нимадир қилишса бўларди-ку?! Мен бу клубда 8 кун ёки 8 ой ҳам ўтказмадим. Бу меҳнат ва ғалабаларга бой бўлган 8 йил эди", – дейди Силва ESPN"га берган интервьюсида.