Сюрприз! Балотелли Испаниянинг 3-дивизион клубига ўтиш арафасида

"Fichajes" нашри хабарига кўра, учинчи дивизион клуби "Реал Мурсия" 34 ёшли италияликка алоҳида шартларни ичига олган таклиф билан чиққан: тахминан 500 минг евро маош – бу клубнинг стандарт имкониятларидан сезиларли даражада ошиб кетадиган миқдор, шунингдек, клуб атрибутлари сотувининг фоизи ва ўз ҳомийларини жалб қилиш ҳуқуқи.

Балотеллининг қарорини ҳафта охиригача кутишади. Унинг вакиллари ва клуб президенти Фелипе Морено ўртасидаги музокаралар бевосита давом этмоқда, "Реал Мурсия" учун бу трансфер нафақат майдонда, балки маркетинг нуқтаи назаридан ҳам муҳим.

Балотеллининг ўтган мавсуми омадсиз ўтди: у "Женоа" сафида А Серияда бор-йўғи 6 ўйинда майдонга тушди ва гол уролмади. Ҳужумчи ёзда клубни эркин агент сифатида тарк этган эди.