Суперлиганинг энг яхши мураббийи — Миржалол Қосимов

Икки даврадан иборат бўлган чемпионатнинг дастлабки босқичи якунланди. Ўтказилган 22 тур давомида барқарор ўйнаган футболчилар орасидан энг яхшилар танлаб олинди. Журналистлар ўртасида ташкил қилинган сўровномада "Энг яхши футболчи", "Энг яхши мураббий" ва "Энг яхши дарвозабон" номинациялари ғолиблари аниқланди.

Суперлиганинг 1-босқичи якунларига кўра, чемпионат ўйинларини мунтазам кузатиб ҳамда ёритиб борган "Championat.asia" ва "Sport" канали журналистлари ўртасида ўтказилган сўровнома натижаларини эълон қиламиз.

Ўтказилган сўровномага кўра, "Бунёдкор" бош мураббийи Миржалол Қосимов 48 балл билан рақобатчиларидан анча илдамлаб кетди ва биринчи ўринни қўлга киритди. Қосимовга энг яқин рақобатчи бўлган "Навбаҳор" устози Илҳом Мўминжонов 35 балл тўплаган ҳолда иккинчи ўрин билан кифояланди. "Пахтакор" бош мураббийи Шота Арвеладзе эса 15 балл билан "кучли учталик"ка киришга муваффақ бўлди. "Локомотив"ни мавсум давомида қабул қилиб олган Андрей Фёдоров эса 13 балл тўплашга эришди. Номзодлар орасида бўлган Улуғбек Бақоев 7 балл йиғди. Охирги ўрин эса 2 балл тўплаган АГМК устози Бахтиёр Ашурматовга насиб этди.

Ким кимга овоз берди?

P.S. Биринчи ўрин - 5 балл, иккинчи ўрин - 3 балл, учинчи ўрин - 2 баллдан ҳисобланади.

Энг яхши мураббий лауреати учун номзодлар

1. Миржалол Қосимов ("Бунёдкор") — 48 балл

2. Илҳом Мўминжонов ("Навбаҳор") — 35 балл

3. Шота Арвеладзе ("Пахтакор") — 15 балл

4. Андрей Фёдоров ("Локомотив") — 13 балл

5. Улуғбек Бақоев ("Бухоро") — 7 балл

6. Бахтиёр Ашурматов (АГМК) — 2 балл