Суперлига. 4-турдан ўрин олган 2та ўйин санаси ўзгарди, биттаси қолдирилди

ФИФА кунларидан унумли фойдаланиш мақсадида, қолаверса, мусобақа ўтказиш Регламентида белгиланганидек, клубнинг уч ва ундан ортиқ футболчилари терма жамоаларга чақирилган тақдирда чемпионат учрашувини бошқа муддатга кўчириш имкониятига эга эканлигидан келиб чиқиб,  Ўзбекистон миллий терма жамоасининг Сенегал ҳамда Марокашга қарши ҳамда Ўзбекистон олимпия терма жамоасининг Кенияга қарши ўтказадиган учрашувлари боис, 4-тур доирасидаги бир қатор ўйинлар бошқа муддатга кўчирилди.

Жумладан, ушбу халқаро ўртоқлик учрашувларида терма жамоаларимизнинг майдонга тушиши мумкин бўлган таркибига “Локомотив” ва “Пахтакор” клубларининг бир қатор футболчилари жалб этилгани ва улар клублари сафига кечроқ етиб келишлари боис Суперлиганинг 4-туридаги қуйидаги ўйинлар муддатларига ўзгартиришлар киритилди. Жумладан, АГМК – “Локомотив” учрашуви ноъмалум муддатга қолдирилди. “Пахтакор” – “Нефтчи” учрашуви 30 мартдан 31 мартга, “Бунёдкор” – “Бухоро” учрашуви эса 31 мартдан 30 мартга кўчирилди.