Latest news

16:04Суперлига. 18-тур учрашувларига ҳакамлар тайинланди  0 15:50Арда Гюлер Женнифер Лопезнинг концертига ташриф буюрди, Антуан Гризманн касбини ўзгартиради. Футбол юлдузлари ўтган ҳафтани қандай ўтказди?  8 15:30Суперлига. "Хоразм" – "Сурхон". Превью  1 15:07"Қизилқум" собиқ футболчиси Сербия клубига қайтди  0 14:40"Челси" асосий ҳимоячиси машғулот вақтида жароҳат орттириб олди  4 14:12Россия октябрь ойида Эрон терма жамоаси билан ўйнайди  1 13:42"Тоттенхэм" асосий ярим ҳимоячисини узоқ вақтга йўқотди  0 13:14Расман: "Реал" собиқ ҳужумчиси "Алавес"га ўтди  0 12:45Жоан Гарсия — Марк-Андре тер Штеген даврига якун ясаб бериши кутилаётган дарвозабон билан яқинроқдан танишамиз  1 12:21Расман: Томас Парти "Вильярреал" футболчисига айланди  0 11:53Модрич "Реал"га қайтиши мумкин  2 11:25Бахтсиз ҳодисада омон қолган Майкл Антонио "Вест Хэм"ни тарк этди  0 10:45Жанлуижи Доннаруммага ТОП клублардан таклиф тушди  3 10:12Можаро давом этади. Тер Штеген "Барселона" шифокорларини уйига киритишдан бош тортмоқда  16 09:40Фабрицио Романо ёзда "Челси"ни тарк этадиган икки нафар футболчи номини айтди  3

Суннатилла Абдуллажонов: "Хоразм"нинг ғалабали старти биз учун кутилмаган ҳолат эмасди, очколарни мавсум якунида санаймиз" News

Суннатилла Абдуллажонов: "Хоразм"нинг ғалабали старти биз учун кутилмаган ҳолат эмасди, очколарни мавсум якунида санаймиз"

Суннатилла Абдуллажонов: "Хоразм"нинг ғалабали старти биз учун кутилмаган ҳолат эмасди, очколарни мавсум якунида санаймиз"

Суперлиганинг дастлабки турларидаги натижалар турлича кўриниш олди. Айниқса, узоқ вақтдан сўнг "Хоразм"нинг кетма-кет ғалабали старти қайсидир маънода кутилмаган ҳолат сифатида қайд этилди. Лекин ўтган турда жамоа "Бухоро"га йирик ҳисобда имкониятни бой берди. "Хоразм" ярим ҳимоячиси Суннатилла Абдуллажонов бу борада фикрлари билан ўртоқлашди. 

- Суперлигани кетма-кет ғалаба билан бошлаш жамоа учун қанчалик кутилган ва кутилмаган сифатида қабул қилинди?

- Мавсумни кетма-кет ғалаба билан бошлашимизни кўпчилик кутмаган бўлиши мумкин. Лекин жамоамиз учун кутилмаган натижа бўлгани йўқ. Яхши тайёргарлик билан майдонга чиқиб ғалаба қозонишни мақсад қилган эдик. Худога шукур ютуқ билан бошладик. 

- Ҳаким Фузайлов айтиб ўтганидек бу баҳорги футбол. Футболчиларда иштиёқ кучли бўлади, барча майдонга соғиниб қайтади. Жамоа энергияни 2 та турда сарфлаб қўймадими?

- Тўғри баҳорги футбол. Лекин жамоалар ўйин тонусига тушиши учун вақт керак бўлади. "Бухоро" билан учрашувга аввалгилари каби тайёргарлик кўргандик. Тўхтаб қолиш ҳақида ўйламагандик. 

- Ўйинда жамоага нима бўлди?

- Биринчи голни ўтказиб юборганимиздан сўнг ўзимизга кела олдик. Фикримча, иккинчи гол учрашув тақдирини ҳал қилди. Ютқазаётган жамоа бор кучи билан олдинга ўтади. Иккинчи тўпни биз киритганимизда вазият бошқача бўлиши мумкин эди. Футболда бундай ҳолатлар бўлиб туради. 

- "Хоразм"да тажрибали ва Суперлига ҳавосини кўрган футболчилар жамланди. Бу таркиб элитада нечанчи ўринга киради?

- Муҳими бизда аҳил оила бор. Жамоамизда жуда яхши футболчилар йиғилган. Олдимизга юқорироқ ўринларни эгаллашни мақсад қилганмиз. Лекин олдиндан гапиришни истамайман. Очкони мавсум охирида ҳисоблаймиз. Ўйлайманки, раҳбарлар ва мухлисларни натижаларимиз билан қониқтира оламиз.

- Тақвим бўйича олганда рақиблар қанчалик қулай ёки ноқулай?

- "Шўртан" ва "Сурхон" ҳам кучсиз жамоа эмасди. Барибир ҳамма жамоа билан ўйнаймиз-ку. Суперлигада ўйинлар осон ўтмайди, ҳар бир жамоанинг олдига қўйган мақсади бор. Биз ҳамма учрашувда 3 очко учун ҳаракат қиламиз.

Rating:    

Comments

championat.asia
< show latest news
Яндекс.Метрика