Сульшер: "Роналду - фантастик тўпурар"

"Манчестер Юнайтед" клуби бош мураббийи Оле-Гуннар Сульшер "Ньюкасл" (4:1) билан ўйин ва Роналду ҳақида ўз мулоҳазаларини билдирди.

"Ғалаба қозониш ҳар доим ёқимли. Мухлислар кўзидаги қувончни кўриш эса, икка карра завқ беради. Биз бундай ўйинни ҳар бир учрашувда кўрсатишимиз лозим. Бу МЮ, ҳеч нарса ўзгаргани йўқ.

Криштиану Роналду - фантастик тўпурар. У жуда ажойиб ўйин ўтказди. Жуда кўп югурди ва жамоага яхши қўшилиб кета олди. 

Чемпионатни қандай якунлаш ҳақида гапиришга ҳали анча эрта. Биз бир маромда ўйнашимиз даркор", -дейди Оле-Гуннар Сульшер.