"Сток Сити" бош мураббийи коронавирусга чалинди, МЮ билан ўйин бекор қилинди

Бу ҳақда клуб матбуот хизмати хабар бермоқда.

Таъкидлаш керакки, "Сток Сити" кеча МЮ билан ўртоқлик ўйини ўтказиши керак эди, жамоа ҳаттоки ўйин бўладиган жойга ҳам етиб келганди. Аммо, мураббийнинг коронавирусга чалингани сабаб баҳс сўннги дақиқаларда бекор қилинди.

Олдинроқ 68 ёшли мураббийи 5 бор COVID-19га тест топширганди ва натижалар салбий чиққан эди. Мураббий аллақачон изоляцияга юборилган. У видеоконференция орқали ёрдамчилари ва ўйинчилари билан алоқада бўлиб туради.

Ёрдамчи мураббий бўлмиш Маккинлай жамоани бўлажак ўйинларга тайёрлашни ўз зиммасига олади.

Чемпионшип рестарти 20 июнда бўлиб ўтади. "Сток Сити" эса рестартдан кейинги илк ўйинини меҳмонда "Рединг"га қарши ўтказади.