Сречко Катанецга нима сабабдан беш ой маош тўланмагани маълум бўлди
28 jul 2021 15:47
News

Сречко Катанецга нима сабабдан беш ой маош тўланмагани маълум бўлди

Хабарингиз бор, ЖЧ саралаш ўйинларида Ироқ терма жамоасини учинчи босқичга олиб чиққан Сречко Катанец ўз лавозимини тарк этди.

У гарчи Ироқ термаси билан муваффақиятга эришган бўлса-да, федерация раҳбарлари мураббийни олиб қолишни хоҳлашмади. Яна бир маълумот, ушбу мураббийга охирги беш ойдан бери маош берилмай келаётганди.

Ироқлик журналист Ҳассанин Мубаракнинг ёзишича, федерация атайлаб словениялик мураббийни кетказиш мақсадида беш ой маош бермаган. Бунга сабаб Сречко Катанецнинг ниҳоятда талабчанлиги ҳамда сал нарсага федерация раҳбарлари билан тортишувчанлиги бўлган. Табиийки бу нарса раҳбарларга ёқмаган ва улар тезроқ мураббийдан қутулиш пайида бўлган.

Эндиликда Ироқ терма жамоаси бош мураббийлигига Карлуш Кейрушни олиб келишмоқчи ва федерация йилига 1,75 миллион доллар маош тўлашга тайёр. Бироқ ҳозирча Кейруш бу таклифга жавоб бергани йўқ. Португалиялик мураббий айни пайтда касал отасидан хабар олиш учун Мозамбикда бўлиб турибди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +6