Сон Хён Минга кўрсатилган қизил карточка бекор қилинди
05 nov 2019 23:12
News

Сон Хён Минга кўрсатилган қизил карточка бекор қилинди

Англия футбол ассоциацияси (FA) "Тоттенхэм" клуби ҳужумчиси Сон Хён Минга кўрсатилган қизил карточкани бекор қилди.

"Эвертон"(1:1) билан учрашувда рақиб футболчиси Андре Гомеш Сон билан тўқнашгач, португалиялик ярим ҳимоячининг оёғи синганди. Учрашувни бошқариб бораётган Мартин Аткинсон ушбу эпизоддан кейин кореялик футболчига дастлаб сариқ карточка кўрсатди, бироздан кейин эса уни учрашувдан четлаштирди. Сон тушкунликка тушиб, йиғлаб юборди.

Учрашувдан кейин "шпорлар" раҳбарияти футболчига кўрсатилган қизил карточка юзасидан апеллация беришди ва уларнинг талаби қондирилди.

Эслатиб ўтамиз, Лондон клуби раҳбарияти Сон Хён Минга психологик ёрдам кўрсатишини эълон қилганди. Унинг эртага ўтказиладиган ЕЧЛ баҳсида майдонга тушиши сўроқ остида турибди.

Link :

Source : BBC

Receive latest football news directly on your phone. Subscribe for our Telegram channel!

Rating: +26