“Сўғдиёна” янги футболчиларни таништирди ФОТО

Бўлиб ўтган тақдимот маросимида  Жиззах вилояти футбол федерацияси вице-президенти Анвар Мусулманов, "Сўғдиёна” ФК бош мураббийи Даврон Файзиев, ОАВ ходимлари ва фан-клуб аъзолари иштирок этишди. Дастлаб Анвар Мусулманов сўз олиб, жамоанинг янги мавсумга олиб борган тайёргарлиги, ушбу мавсумда мухлисларнинг стадионга кириш тартиблари ҳақида тўхталиб ўтди.

Бош мураббий Даврон Файзиев эса жамоадаги ўзгаришлар, янги таклиф этилган футболчилар, раҳбарият томонидан қаратилаётган эътибор тўғрисида гапириб, бу йилги мавсумда жамоа мухлисларга ёқадиган ўйин кўрсатишига ҳаракат қилишини ва яхшироқ натижалар қайд этилишига бор кучлари билан меҳнат қилишлари ҳақида гапирди.

Шундан сўнг, ОАВ ходимлари ўзларини қизиқтирган саволларга жавоблар олишди.Шундан сўнг, 18 март куни "Олмалиқ” жамоаси билан бўлиб ўтадиган ўйиндан олдинги навбатдаги машғулотларга киришилди. Барча мухлисларни 2017 йил 18 март куни, соат 17-00да бўлиб ўтадиган ХХVI Ўзбекистон чемпионати 3-тур ўйинида жамоани бевосита стадиондан қўллаб қувватлашга чақирамиз. Шу куни Жиззахда чемпионатнинг расмий очилиш маросими ҳам ўтказилади.Яна  бир янгилик, жорий мавсумда клуб ўзининг янги автобусига эга бўлди.

Жамоага келиб қўшилган футболчилар.  1. Сарвар Каримов "Локомотив"  2. Сардор Қулматов "Нефтчи"  3. Азамат Исроилов "Андижон"  5. Ғулом Урунов "Андижон"  6. Суннат Мамадалиев "Шуртан"  10. Алишер Махмудов "Навбаҳор"  11. Шохрух Достонов  "Машъал"  13. Рустам Азамов "Норин"  20. Улуғбек Худойбердиев "Металлург"  22. Достон Абдураҳмонов "Олмалиқ"  34. Омон-биик Халилов "Навбаҳор"  12. Шохрух Эшбўтаев "Машъал"

"Сўғдиёна" матбуот хизмати