"Сўғдиёна" Тошкентда йиғинни давом эттирмоқда. Таркибга икки нафар легионер, "Бухоро", "Динамо" футболчилари келиб қўшилди

Жиззахликлар бугун йиғин доирасидан ўрин олган навбатдаги ўртоқлик учрашувида майдонга тушишди. Самарқанднинг "Динамо" жамоаси рақиблик қилган учрашувда Бақоев шогирдларининг қўли баланд келди, 1:0. Ягона голга 90+2 дақиқада Нодирбек Қўйбоқов муаллифлик қилди. Футболчи Даниел Насриддиновнинг узатмасидан сўнг боши билан рақиб дарвозасини ишғол қилди. Мураббийлар штаби бу баҳсда икки хил таркибни синовдан ўтказди. Ушбу учрашувда "Сўғдиёна" таркибида бир қатор янги футболчилар ҳаракат қилди. Хусусан, ўтган мавсумни "Бухоро"да ўтказган дарвозабон Зафар Сафоев, 2020 йилнинг иккинчи даврасида ижара асосида "Динамо"да тўп тепган Ойбек Нурматов шунингдек, сербиялик марказий ҳимоячи Лука Чермель ва кореялик футболчига ўртоқлик учрашувида имконият тақдим этилди. 

Жамоа шу кунга қадар "Сурхон", "Оқ-тепа", "Андижон" жамоалари билан ўртоқлик ўйини ўтказган эди. Қишки трансферлар ойнаси вақтида Милан Митрович, Санъат Шихов, Санжар Рашидов, Шавкат Муллажонов каби футболчилар  клубни тарк этишди.

Ўртоқлик учрашуви. Тошкент

5 февраль (жума)

"Динамо" - "Сўғдиёна" - 0:1

Гол: Нодир Қўйбоқов, 90+2

"Динамо": Фарҳод Раҳматов, Жасур Ҳасанов, Обид Жўрабоев, Комил Шарофутдинов, Ислом Шарипов, Жамшид Ҳасанов, Олег Марчук, Шохруҳ Абдураҳмонов, Темур Ҳакимов, Сардор Эминов, Михайло Удод.

Захира: Сирож Мелиев, Акмал Козимов, Темур Усмонов, Фахриддин Алимов, Жавлон Маликов. 

Фото: "Динамо" матбуот хизмати