«Сўғдиёна» Сериа А чемпионатида ўйнаган футболчи билан шартнома тузди

«Твенте», «Сампдория», «Зенит», «Локомотив» жамоаларида ҳаракат қилган Лука Жоржевич янги мавсум жиззахликлар сафида ўтказади.

Ҳужумчи фаолияти давомида 205 та учрашувда майдонга тушган. Унинг ҳисобида 43 та гол ва 21 та голли узатма бор. 30 ёшли ҳужумчи Черногория терма жамоаси сафида 11 та учрашувда майдонга тушган.

Трансфермаркет футболчини 300 минг еврога баҳолаган. Унинг энг қиммат нархи эса 4 миллион евро бўлган.