"Сўғдиёна" клубининг янги титул ҳомийси - “Ўзбекэнерго”

Шу кунга қадар жамоанинг титул ҳомийси йўқ эди. "Сўғдиёна"нинг аёллар жамоаси 10-турда "Бунёдкор"га қарши ўйинда майдонга “Ўзбекэнерго” деб ёзилган футболкаларда тушди. Бундан келиб чиқадики Жиззах клубининг янги титул ҳомийси - “Ўзбекенерго” акциядорлик жамияти. Яқин вақт ичида эркаклар ва мини-футбол жамоаси ҳам янги титул ҳомий номи ёзилган футболкаларда майдонга туша бошлайди.

Маълумот учун, “Ўзбекэнерго” АЖ энергетика соҳасида махсус ваколатга эга бўлган орган бўлиб, Республика иқтисодиёти тармоқларини ва аҳолисини марказлаштирилган ҳолда электр таъминоти билан таъминлайди, шуниндек Республиканинг бир қатор шаҳарлари саноат ва коммунал-маиший истеъмолчиларига иссиқлик энергиясини етказиб беради.
“Ўзбекэнерго” АЖ таркибига 49 корхона, шу жумладан 36 акционерлик жамияти, 6 унитар корхона, 7 масъулияти чегараланган жамият киради.