Слот АПЛ ҳақида: "Бу қийин лига, авваллари топ-5 учун бундай кураш бўлмаган"

"Ҳар кимнинг ўз фикри бор. Бу дунёда ўз фикрингини бошқалар билан баҳам кўра оласиз. Бу жуда ижобий ҳолат.

Мен бу ерда эндигина бир йил бўлдим. Менимча, олдинлари топ-4 ёки топ-5да якунлаш бу даражада ҳаяжонли бўлмаган. Ўтган йилларда қайси клублар биринчи учта ёки тўртта ўринни эгаллаши деярли аниқ билинарди. Фикримча, бу ҳақиқатан ҳам мураккаб лига. Чунки бу ерда ўйнаш ҳеч қачон осон бўлмаган.

Биз лигада 3 ёки 4та гол фарқи билан ғалаба қозона оладиган ягона жамоа эмасмиз. Балки бу иш 3–4 йил аввал анча осонроқ бўлгандир.

Ёки лигадаги барча жамоалар кучсизланиб қолган ёки биз — “Ливерпуль”, “Манчестер Сити” ва “Арсенал” жуда кучлимиз. Лекин бошқа жамоалар рақобатбардош бўлиш учун хатто биздан кўп маблағ сарфлай оладилар", – деди "Ливерпуль" бош мураббийи.

Слот жамоаси чемпионатнинг 34-турида якшанба куни “Тоттенхэм”га қарши ўйинда мағлуб бўлмаса, АПЛ чемпионлигини муддатидан аввал расмийлаштириши мумкин.