Расман: Сияваш Хагнозари — АГМК футболчиси!
25 feb 2022 12:37
News

Расман: Сияваш Хагнозари — АГМК футболчиси!

АГМК жамоаси қишки трансфер ойнасидаги навбатдаги келишувни амалга оширди.

Бу гал жамоа эронлик футболчи, ўтган мавсумларда Украина чемпионатида фаолият юритган ҳамда 2 ҳафта мобайнида жамоа кўригида бўлган ярим ҳимоячи Сияваш Хагнозари билан 2 йиллик шартнома имзолади. Футболчи эркин агент мақомида АГМК футболчисига айланди.

26 ёшли футболчи 2017 йилдан эътиборан Украинанинг “Волин” жамоаси таркибида ҳаракат қилиб, жами 91 ўйинда майдонга тушган ва 16та гол муаллифига айланган ҳамда 10та голга ассистентлик қилган.

Сияваш Хагнозари 1995 йил, 3 август куни таваллуд топган. Хагнозари Эрон ўсмирлар ва ёшлар терма жамоалари сафида тўп тепган.

АГМК аҳил оиласига хуш келибсан, Сия!", - деб ёзади АГМК матбуот хизмати.