"Сити" дербида МЮни масхара қилди: Холанд ва Фоден учтадан гол урди, Роналду эса майдонга тушмади

Манчестер дербиси халқаро танаффусдан сўнг бўлиб ўтди: шаҳарнинг қизиллар томони 2та мағлубиятдан сўнг, "Ливерпуль" ва "Арсенал"ни мағлуб этган ҳолда, бешта ўйинлик ғалабали серия қайд этишди. МЮ мухлисларида Тен Хагнинг нимадир қилиб Холандни тўхтатиб қолишига умид бор эди.

Аммо, бу амалга ошмади. "Манчестер Сити" 8-дақиқадаёқ ҳисобни очди – Фил Фоден Бернарду Силванинг пасидан сўнг дарвозага тўп киритди. Манчестер дербисида ҳисобни манчестерлик йигит очгани мантиқий бўлди. Айтганча, Фил бир шаҳарнинг икки жамоаси тўқнашувида олдин умуман гол урмаганди.

34-дақиқада эса ҳамма кутган воқеа рўй берди — Эрлинг Холанд гол урди. Бу сафар бурчакдан Кевин Де Брюйненинг пасидан сўнг. 

КДБ икки дақиқадан сўнг ўзининг доимий пасини узоқ устунга йўналтирди — албатта, у ерда ҳам Холанд бор эди. Норвегиялик дубль қайд этди. Бу бельгияликнинг Эрлингга 10та биргаликдаги ўйинда бешинчи пас эди. Жейдон Санчо "Боруссия"да Холандга 10та ассист бериши учун 46та ўйин кетган.

Фоден танаффус олдидан дубль қайд этди — бу сафар Холанднинг ўзи узоқ устунга пас берди. 4:0!

МЮ 2020/21 йилги мавсумдан бери АПЛ танаффусига қадар тўртинчи бор 4та тўп ўтказиб юбормоқда. Бунга қадар "Тоттенхэм", "Ливерпуль" ва "Брентфорд"га қарши ўйинда шундай воқеа рўй берган эди.

Иккинчи таймда яна ҳам кўпроқ голлар урилди

МЮ бошида бироз уйғонгандек бўлди. Танаффусдан сўнг Антонига марказга кўчиб, зарба беришга имконият қолдиришди — бразилиялик учун МЮдаги иккинчи гол.

Балки ўша пайт "Сити"дан кимдир тинчлангандир, аммо аниқ Эрлинг эмас. Дастлабки унинг ўзи қанотдан келган пасга зарба берди, сўнгра Фоденга зарба учун қулай имконият яратди. Якун — 22 ёшли икки ўйинчи хет-трик қайд этишди.

Бу АПЛ тарихида бир жамоанинг икки ўйинчиси хет-трик қайд этган учинчи ҳолат бўлди: бунга қадар бундай вазифани "Арсенал" сафида "Саутгемптон"га қарши 2004 йилдаги ўйинда Робер Пирес ва Жермейн Пеннант ва "Лестер" сафида 2019 йилда ўша "Саутгемптон"га Айосе Перес ва Жейми Варди учтадан гол уришган.

Қизиғи, иккаласига ҳам ўйиндан сўнг уйга олиб кетиш учун тўп берилди.

Марсьяль якунда дубль қайд этди — ўйин 6:3 ҳисобида якунланди. Гвардиола жамоаси рақибининг устидан "кулгандай", осонликча ғалаба қозонди.

Тен Хагнинг ўзгаришлари эса ўйинни ўзгартирмади. Айтганча, Криштиану умуман майдонга тушмади — илк бор ушбу мавсумдаги бир ўйинни тўлиғича захирадан кузатди.

Рекордлар ҳақида икки оғиз

• Бу ўйин Манчестер дербилари орасида энг кўп гол урилгани бўлди. Эрлинг Холанд эса 1970 йилдан бери қўшнилар дарвозасига хет-трик қайд этган илк ўйинчига айланди (Фоден эса иккинчи!). Норвегиялик битта дербидан сўнг 3та гол урди — "Сити"нинг энг яхши тўпурари Серхио Агуэро эса Англиядаги фаолияти давомида жами МЮга 9та гол урган.

• Холанднинг рекордлари ҳақида яна озгина: Эрлинг АПЛ тарихида кетма-кет учта уй ўйинида хет-трик қайд этган илк ўйинчига айланди. Вау!

• Ҳали бу ҳаммаси эмас. Норвегияликнинг учта хет-трики учун атиги 8та ўйин кетди. Олдинги рекордчи Майкл Оуэн учта ўйинда учта хет-трик қилиши учун 48та ўйин кетган. Ван Нистелрой 59-ўйинда, Фернандо Торрес эса 64-ўйинда учинчи хет-трикини қайд этган.

• Жами Холанд фаолияти давомида 15та (ЎН БЕШТА!) хет-трик ижро этди. Шок! Таққослаш учун Салаҳда атиги 7та, Кейнда 19та.

• Агар Европанинг топ-15 лигалари олсак, Холанд у ердаги тўпурарлар жадвалида ҳам (14та гол, Левандовскида 9та), "гол+пас"да ҳам (17 очко, Неймарда 15) етакчилик қилмоқда.

• Айтганча, Холанд фаолияти давомида учинчи бор битта ўйинда иккита ассист қайд этди. Эрлинг бунга қадар "Зальцбург"да ("Хартберг"га қарши 3+2, 7:2 ҳисобида ғалаба) ва "Боруссия"да ("Айнтрахт"га қарши 2+3, 5:2 ҳисобида ғалаба) қарши ўйинларда плеймейкерга айланган.

• Агар катталар футболини олсак, Манчестер дербиси Холанд учун фаолиятидаги энг самарадори бўлди — у бунга қадар бешта голда бир марта (айнан "Хартберг"га қарши ўйинда) иштирок этган, аммо "Мольде" ва "Боруссия"да иккита покер кўрсатган.

Холандда яқин ўйинларда яна кўплаб рекордларни янгилаш учун имконият бор: "Сити" икки ҳафтада "Копенгаген"га қарши ЧЛда иккита ўйин ўтказади, бундан ташқари, уйда "Саутгемптон"га қарши ўйин ва Суперкубокда Эрлингни тўхтатиб қолган ва энди "уялмасдан" кўплаб голлар ўтказиб юбораётган "Ливерпуль"га сафар қилади.

"Манчестер Сити" – "Манчестер Юнайтед" 6:3 (4:0, 2:3)

Голлар: 1:0 – 8 Фоден, 2:0 – 34 Холанд, 3:0 – 37 Холанд, 4:0 – 44 Фоден, 4:1 – 56 Антони, 5:1 – 64 Холанд, 6:1 – 73 Фоден, 6:2 – 84 Марсьяль, 6:3 – 90, пенальти Марсьяль.

"Манчестер Сити": Эдерсон, Уокер (Серхио Гомес, 41), Аке, Аканжи, Жоау Канселу, Гюндоган (Лапорт, 75), де Брюйне (Альварес, 75), Бернарду Силва, Грилиш (Палмер, 75), Фоден (Марез, 75), Холанд.

"Манчестер Юнайтед": Де Хеа, Диогу Далот, Варан (Линделёф, 40), Мартинес, Маласиа (Шоу, 46), Эриксен, Бруну Фернандеш, Мактомини (Каземиро, 59), Рэшфорд (Марсьяль, 59), Санчо (Фред, 70), Антони.

Огоҳлантиришлар: Диогу Далот (2), Маласиа (23), Бруну Фернандеш (80).

Manchester City Phil Foden - 8', Erling Haaland - 34', Erling Haaland - 37', Phil Foden - 44', Erling Haaland - 64', Phil Foden - 73'

Premier League . Round 9 02/10/2022, 19:00 3 : 6 Finished

Manchester United Antony - 56', Anthony Martial - 84', Anthony Martial - 90'

Stadium: Etihad Stadium, 53475 spectators

Referee: Michael Oliver

45'

90'

8'  Phil Foden

8'  Bernardo Silva

34'  Erling Haaland

34'  Kevin De Bruyne

37'  Erling Haaland

37'  Kevin De Bruyne

41'  Kyle Walker (Sergio Gomez)

44'  Phil Foden

44'  Erling Haaland

64'  Erling Haaland

64'  Sergio Gomez

73'  Phil Foden

73'  Erling Haaland

75'  Ilkay Gundogan (Aymeric Laporte)

75'  Jack Grealish (Cole Palmer)

75'  Phil Foden (Riyad Mahrez)

75'  Kevin De Bruyne (Julian Alvarez)

2'  Diogo Dalot

23'  Tyrell Malacia

40'  Raphael Varane (Victor Nilsson Lindeloef)

46'  Tyrell Malacia (Luke Shaw)

56'  Antony

56'  Christian Eriksen

59'  Marcus Rashford (Anthony Martial)

59'  Scott McTominay (Casemiro)

70'  Jadon Sancho (Fred)

80'  Bruno Fernandes

84'  Anthony Martial

90'  Anthony Martial

Open in Match Center

Алишер Остонов таржимаси