Симеоне: "Энрике таркибни кучайтириши керак бўлганида, ПСЖ вингер учун 70 млн евро сарфлади"
16 jun 2025 11:39
News

Симеоне: "Энрике таркибни кучайтириши керак бўлганида, ПСЖ вингер учун 70 млн евро сарфлади"

Мадриднинг "Атлетико" клуби бош мураббийи Диего Симеоне Клублар ўртасидаги Жаҳон чемпионатидаги 4:0 ҳисобидаги мағлубиятдан сўнг ПСЖнинг кучи ҳақида гапирди.

Парижликлар гуруҳ босқичининг илк учрашувида Фабиан Руис, Витинья, Сенни Меюлю ва Ли Кан Иннинг голлари эвазига ғалаба қозонди.

"ПСЖ – катта клуб. Луис Энрике ҳужумнинг чап қанотини кучайтиришга муҳтож бўлганида, улар январь ойида вингер [Хвича Кварацхелия] учун 70 млн евро сарфладилар! Иккинчи бўлимда яхши кўриндик, бироқ VAR голимизни бекор қилди, кейин эса биз бир киши кам бўлиб қолдик – ПСЖ ўз имкониятларидан унумли фойдаланди. Мен бир хил нарсалар ҳақида гапиравериб чарчадим, ўзимни жабрдийда кўрсатишни хоҳламайман. Биз ўзимиздан кучлироқ бўлган рақибга қарши ўйнадик. Аммо эътиборга олиш керак бўлган нюанслар бор", – деди мадридликлар бош мураббийи.

Жума куни "Атлетико" иккинчи тур ўйинида "Сиэтл Саундерс" билан ўйнайди.

Link :

Source : Yahoo Sports

Receive latest football news directly on your phone. Subscribe for our Telegram channel!

Rating: +8