Сиаваш Ҳақназари: "Бугун очиқ ва ҳужумкор футбол гувоҳи бўламиз"
10 oct 2024 17:00
News

Сиаваш Ҳақназари: "Бугун очиқ ва ҳужумкор футбол гувоҳи бўламиз"

"Навбаҳор"нинг эронлик футболчиси Сиаваш Ҳақназари ЖЧ-2026 саралаши Ўзбекистон - Эрон учрашуви ҳақида фикр билдирди

"Бу гуруҳдаги энг муҳим учрашув. Икки жамоа ҳам ғалаба учун майдонга чиқиши аниқ. Ўзбекистон терма жамоаси яхши ҳолатда, аммо Эрон учун ҳам 3 очко жуда зарур. Эрон ва Ўзбекистон ўртасидаги учрашувлар ҳар доим жуда қизиқ кечади. Менинг фикримча, бугун кўпроқ очиқ ва ҳужумкор футбол гувоҳи бўламиз.
Эрон ҳужумида Тареми, Азмун, Ғоддос ва Гаеди каби кучли футболчилар бор. Ушбу футболчилар ўйин тақдирини ҳал этиб қўйиши мумкин. Захира ўриндиғида асосий таркиб ўйинчиларининг ўрнини боса оладиган футболчиларимиз етарлича. Жароҳат олган ҳимоячимизнинг ўрнини ким эгаллашидан хабарим йўқ. Умид қиламанки, ушбу йўқотиш Эрон терма жамоасининг ўйинига ҳеч қандай таъсир ўтказмайди", - деди Ҳақназари.