Шуҳрат Раҳмонқулов: "Фикримча, "Оқ-тепа" ҳозир "спад"га тушиб қолган"
25 may 2016 16:42
News

Шуҳрат Раҳмонқулов: "Фикримча, "Оқ-тепа" ҳозир "спад"га тушиб қолган"

Ўзбекистон Биринчилигининг 11-туридан ўрин олган "Оқ-тепа" - "Пахтакор-2" учрашуви олдидан меҳмон жамоа бошлиғи Шуҳрат Раҳмонқуловнинг фикрлари билан қизиқдик.

- "Оқ-тепа" яхши жамоа. Таркибида тажрибали ўйинчилар бор. Агар уларнинг ўйини қовушса, истаган рақибини мағлубиятга учрата олади. Футболда "спад" деган нарса бор. Фикримча, "Оқ-тепа" ҳозир айни вақтда "спад"га тушиб қолган. Шунинг учун омадсизликдан чиқиб кетиши қийин бўлмоқда. Лекин айтганимдек, бу жамоа жиддий рақиб.

Бугун қизиқарли учрашув бўлади. Чунки мазкур жамоалар ўртасидаги баҳслар доимо қизиқарли кечган. Статистикага назар ташласангиз, "Пахтакор-2" "Оқ-тепа"нинг ноқулай рақибларидан бири эканлигига амин бўласиз. Ўйинга одатдагидек тайёргарлик кўрдик. Барча жамоа майдонга ғалаба қозониш ёки камида ютқазмаслик учун тушади. Биз ҳам бундан мустасно эмас, - дейди Раҳмонқулов.

Link :

Source : championat.asia

Receive latest football news directly on your phone. Subscribe for our Telegram channel!

Rating: +1