Шота Арвеладзе: “Стадиондаги муҳитга гап бўлиши мумкин эмас, аммо майдон ҳолати ўта ёмон эди”
01 oct 2017 21:45
News
![](https://championat.asia/upload/storage/280705_original.jpg)
![](/upload/storage/280705_220.jpg)
Шота Арвеладзе: “Стадиондаги муҳитга гап бўлиши мумкин эмас, аммо майдон ҳолати ўта ёмон эди”
- Ўйлашимча яхши ўйин бўлди. Қолаверса учрашув мухлисларга ҳам ёқди. Курашларга бой футболга гувоҳ бўлдик. Шу ўринда бундай майдонда муносиб тарзда тўп суриш анча мушкул. Аммо, ўйингоҳдаги муҳитга гап бўлиши мумкин эмас. Ўзбекистондаги фаолиятим давомида бу каби мухлисларни биринчи бор кўрмоқдаман. Наманганлик мухлислар жамоаларини муносиб тарзда қўллаб-қувватлашди.
- Легионерларнинг ўйини ҳақида нима дея оласиз?
Ростин бугун “Пахтакор”даги энг яхши ўйинларидан бирини ўтказди. Гиди ва Тиаголар бундандан яхшироқ ўйнай олишади. Шунингдек, Марко ҳам яхши ўйнади.
- “Пахтакор”ни ғалабасига нима етишмади деб ўйлайсиз?
- Бунинг сабаби “Навбаҳор” жамоасини ўзи. Рақибни жиддий тарзда таъқиб қилдик. Биринчи бўлимда ўйин назоратини ўз қўлимизда сақлаб турдик. Лекин, кутилмаганда ўтказиб юборилган гол ҳаммасини ўзгартириб юборди. Майдонни ҳолати ўзимизни ўйинимизни намойиш этишимизга тўсқинлик қилди. Очиғини айтиш керак майдонни ҳолати ўта ёмон даражада эди. Бундай шароитда ўйнаш анча қийин. “Навбаҳор” футболчилари бу майдонда машғулот ўтказиб, уй учрашувларини шу ерда ўтказаётганликлари боис тўпни қай тарзда йўналиш олишини яхши билишади. Ҳар икки жамоа ҳам ижоби натижа учун курашди ва унда “Навбаҳор” ғалаба қозонди.
"Навбаҳор" матбуот хизмати
Similar news
![AMP Logo](https://championat.asia/image/logo-amp.png)
Comments