Шота Арвеладзе: "Ҳакамлар яна бизни голимизни инобатга олишмади"

- Ўйлашимча, ўйин яхши бўлди. Биз ҳам, улар ҳам яхши даражада ўйнашди. Биринчи бўлимда рақиблар кўпроқ вазиятлар яратишди. Танаффусдан кейин эса биз биринчи, иккинчи ва учинчи голни ҳам урдик. Аммо учинчи голни негадир яна ҳакамлар ҳисоблашмади. Бундан аввалги уй ўйинимизда ҳам голимизни инобатга олишмаганди.

"Қўқон-1912" таркибида ҳам яхши футболчилар борлиги кўринди. Майдон ҳолати яхши эмасди ва бугунги майдон бизга ёрдам бермади. Чунки ўйиндан олдин майдон суғорилмади. Ўйлайманки, бу бошқа такрорланмайди.

Симич терма жамоа сафидан эндигина келди ва унда кичик жароҳат бор эди. Шу боисдан Марко бизга бугун ёрдамлаша олмади. Даврон Ҳошимов? Мен бугун Алижоновни синаб кўрмоқчи бўлдим. Бу "Бухоро" билан ўйин олдидан уларни асраш учун қилинган ўзгаришлар эмасди.

Намангандаги майдон ҳолати ёмон эди. Бугун эса бироз ёмонроқ бўлди. Менга маълум бўлишича, Бухородаги майдон ҳолати анча яхши.

Аммо Намангандаги мағлубият фақатгина майдонни ҳолати билан боғлиқ эмас. Бу баҳона бўлиб қолмаслиги керак. Чунки рақиб ҳам ўша майдонда ўйнаганди.