Latest news

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

“Шўртан”нинг тайёргарликлари авжида News

“Шўртан”нинг тайёргарликлари авжида

Ўзбекистон Биринчилиги-2014да қатнашаётган Ғузорнинг “Шўртан” жамоаси биринчи босқични муваффақиятли якунлаб, навбатдаги босқичга қизғин тайёргарлик кўрмоқда.
“Шўртан” ПФК матбуот хизматининг раҳбари Толибжон Қосимовнинг бизга берган маълумотларига кўра, айни пайтда “оқ бўрилар”, бош мураббий Мухтор Қурбонов, ёрдамчи мураббий Зоир Тўрақулов ва дарвозабонлар мураббийи Эркин Мирзаевлар бошчилигида Тошкент вилоятининг Чорвоқ оромгоҳида мавсумнинг кейинги босқичига қизғин тайёргарлик кўришмоқда. Машғулотлар асосан жамоа аъзоларининг жисмоний ҳолатини кучайтиришга қаратилган.

Тайёргарликлар 2 августгача ана шу ерда давом эттирилади. 22 июлдан кейинги босқичга тайёргарлик йиғинини бошлаган жамоа 23 июль куни Тошкент шаҳрида тиббий кўрикдан ҳам ўтишди. Жамоани ҳозирча ҳужумчи Муқим Тошматов тарк этган. Шунингдек жамоада тўрт нафар янги ўйинчи ҳам кўрикдан ўтмоқда, аммо ҳали бу ўйинчиларни жамоада қолиш ёки қолмаслиги тўлиқ ҳал этилмаган.

Мураббийлар режаси бўйича, тайёргарликларни кейинги босқичи, яъни 2 августдан 8 августгача Тошкент шаҳрида давом эттирилади, шундан сўнг тайёргарликлар Ғузорга кўчирилади. Ўзбекистон Биринчилиги бўйича навбатдаги босқич учрашувларига ҳали қуръа ташланмаган, тахминиимизча иккинчи босқич учрашувлари 16 августларда бошланиши кутилмоқда.

“Шўртан” жамоаси мухлисларнинг хабари бор, жамоа Ўзбекистон биринчилигининг «Ғарб» минтақасида 62 очко тўплаб, якка пешқадамлик қилмоқда, шуни айтиш жоизки, жамоанинг асосий вазифаси кейинги йилда ўз иштирокини Олий лигада давом эттириш. Ҳозирдан барча ҳаракатлар ана шу мақсадга эришишга қаратилган.

Куни кеча “Шўртан” жамоаси Тошкент вилоятининг “Дўстлик” стадионида Фарғонанинг “Нефтчи” жамоасига қарши ўртоқлик учрашувида майдонга тушди. Ушбу учрашувда ҳар иккала жамоа асосий ўйинчиларини майдонга туширишди. Учрашув 1:1 ҳисобида якунланди. Учрашувдаги “оқ бўрилар” голига Александр Востриков муаллифлик қилди.

Навбатдаги ўртоқлик учрашуви Наманганнниг “Навбаҳор” жамоасига қарши 30 июлда ўтказилади. Ушбу учрашув ҳам “Дўстлик” стадионида бўлиб ўтади.

Кўриниб турибдики, жамоа ўз кучини энди Олий лига жамоалари билан синаб кўрмоқда.

Шунингдек Толибжон Қосимов илтимосига кўра, барча юртдошларимизни ва футбол ишқибозларини бугунги Муборак Рамазон Ҳайити байрами билан “Шўртан” ПФК маъмурияти номидан қизғин муборакбод этамиз.
Rating:    

Comments

championat.asia
< show latest news
Яндекс.Метрика