⚡️Шерзод Эсанов тез орада Россия клубига трансфер қилинади
18 jul 18:45
News

⚡️Шерзод Эсанов тез орада Россия клубига трансфер қилинади

"Андижон" ярим ҳимоячиси Шерзод Эсанов тез орада легионерга айланади.

Россия премьер-лигаси дебютанти "Акрон" клуби шу кунларда Шерзод Эсанов билан шартнома тузади. Таъкидлаш лозимки, "Акрон" футболчини "Андижон"дан сотиб олади. Трансфер суммаси бир неча юз минг доллар экани айтилмоқда.

"Андижон" қишда Рубин Хебайни Саудия Арабистони клубига 225 минг долларга трансфер қилганди. Энди эса Эсановнинг трансфери амалга ошиши арафасида. Бу "Андижон" клубининг трансферларга муҳим аҳамият бераётганидан даракдир.

Бир неча кун аввал сайтимиз Эсановнинг "Акрон"га ўтиши мумкинлиги ҳақида хабар бергандик.