Шакири Швейцария терма жамоасидаги фаолиятини якунлади

Айни дамда "Чикаго Файр" клуби сафида тўп тепаётган 32 ёшли футболчи терма жамоасидаги профессионал фаолиятини якунлаётганини маълум қилди. Бу ҳақда ярим ҳимоячи ижтимоий тармоқдаги саҳифасида ёзган.

"Етти турнир, кўплаб голлар, Швейцария терма жамоасидаги 14 йил ва унутилмас лаҳзалар. Терма жамоа билан хайрлашиш вақти келди", – деди Шакири.

Майдонда 124 та ўйин ва 32 та аниқ зарба – бу хавбекнинг Швейцария терма жамоаси либосидаги кўрсаткичлари. У кетма-кет учта Жаҳон чемпионати ва Европа чемпионатларида (2014-2024) гол урган.