Шаҳбоз Жумабоев: “Мақсадимиз “Андижон”ни Суперлигага олиб чиқиш”

Шу боис баҳс якунига етгач, Жумабоев билан қисқача суҳбатлашдик.

- Ўйин яхши бўлди. Менимча мухлисларга ҳам ёқди. Ғалаба қозонишимиз учун бизга тезкор гол зарур эди. Мураббийнинг кўрсатмаси ҳам шундай эди.  Берилган кўрсатмани бекаму-кўст бажаришга харакат қилдик. Худога шукур, ўйиннинг бошидаёқ биринчи бўлиб ҳисобни очиб, натижани ўз фойдамизга хал қила олдик. Бутун ўйин давомида жамоамизни қизғин қўллаб-қувватлаб турган ишқибозларимизни ҳам ғалаба билан табриклайман ва уларга миннатдорчилки билдираман.

- Муваффақиятларимизнинг сири менимча аҳил жамоа йиғилгани билан боғлиқ. Йигитлар нафақат майдонда, балки унинг ташқарисида ҳам бир-бирларини хурмат қилади ва қўллаб-қувватлайди. Шунинг учун ҳам майдонда бир-биримизни тушуниб ўйнашимиз осон кечмоқда.

- Ҳар бир ҳужумчи майдонга чиқаётганида гол уришни мақсад қилади. Мен ҳам бугун жамоадошларимдан қулай пас билан таъминланишини кутгандим. Агарда имконият бўлса рақиб дарвозасини ишғол этишни хоҳлагандим. Худога шукур, бугун иккита гол уриб, жамоамга фойда келтирдим. Бундан хурсандман.

- Чемпионатда нечта гол урмоқчиман? Тўғриси, мен учун энг аввало жамоавий ютуқ асосий ўринда туради. “Андижон”ни Суперлигага олиб чиқишимиз керак. Шахсий натижалар кейинги ўринда – дейди Шаҳбоз Жумабоев.