Latest news

01:56А Серия. "Милан", "Ювентус" ва "Наполи" ишончли ғалабага эришди, "Аталанта" эса ўз уйида "Лечче"ни енга олмади  3 01:20Рўзиқул Бердиев: "Ҳужумкор ўйин намойиш этиб, чиройли ғалабага эришдик"  0 00:24Элит ОЧЛ. "Кавасаки Фронтале" қўшимча бўлимларда "Ал Садд"ни мағлуб этиб, Саудия Арабистони жамоаларидан иборат бўлган ярим финал босқичига йўл олди  9 23:54Гвардиола яна Англия Кубоги тўпини танқид қилди: "Иккала жамоага ҳам уни назорат қилиш қийин бўлди. У жуда тез"  0 23:12Педру Морейра: "Ҳозирги вақтда бизга фақатгина очколар сони муҳим"  1 23:06РПЛ. "Рубин" Руслан Безруковнинг дубли эвазига иккинчи бўлимда ўн киши бўлиб қолган "Факел"ни мағлуб этди, Ашурматов захирада қолдирилди  0 23:01Туркия Суперлигаси. "Ризеспор" меҳмонда минимал ҳисобда имкониятни бой берди, Алиқулов тўлиқ ўйнади  2 22:56Озарбайжон чемпионати. "Сабаҳ" ўз уйида "Қорабоғ" билан дуранг ўйнади, Раҳмоналиев захирада қолдирилди  0 22:40Суперлига. "Насаф" ва "Навбаҳор" йирик ҳисобда ғалаба қозонди, "Шўртан" эса 10 киши бўлиб қолган "Пахтакор"га гол ура олмади  0 22:30Англия кубоги. "Манчестер Сити" "Ноттингем Форест"ни мағлуб этиб, финалга йўл олди. Бош соврин учун рақиб — "Кристал Пэлас"  39 22:24"Ливерпуль" — АПЛ чемпиони!  34 22:10Суперлига. "Насаф" "Қизилқум"ни йирик ҳисобда мағлуб этди ва мусобақа жадвалининг 1-ўрнига кўтарилиб олди  22 21:51Григорий Колосовский: "Олимпик-Mobiuz" қандай футбол ўйнаш кераклигини кўрсатиб қўйди"  0 21:40Анвар Бердиев: "Футболчиларимизда ўзига бўлган ишонч етишмади"  0 21:21Фарҳод Нишонов "Локомотив"га қарши ўйиндан кейин: "Ғалабага ҳақли эдик, бошқа вазиятларимиздан фойдаланганимизда ҳисоб йириклашиб кетарди"   2

Шаҳбоз Жўрабеков: "Жароҳатлар сабаб "Бунёдкор"да тўлиқ ўзимни кўрсата олмадим, 2025 йилдан эса умидим катта" News

Шаҳбоз Жўрабеков: "Жароҳатлар сабаб "Бунёдкор"да тўлиқ ўзимни кўрсата олмадим, 2025 йилдан эса умидим катта"

Ўтган мавсумни Навоий ва Тошкентда ўтказган футболчи билан интервью.

- Ўтган мавсумни икки хил жамоа таркибида ўтказдингиз. Икки жамоангизни эгаллаган ўрнида катта фарқ бўлмади. Бу борада ўзингизда қандай хулоса юзага келди? 

- Эътибор бериб интервьюга таклиф қилганингиз учун раҳмат. Фурсатдан фойдаланиб бутун Ўзбекистон аҳлини кириб келаётган 2025 йил билан табриклаб қоламан. Келгуси йил футболимиз учун янги саҳифалар очилиши учун сабабчи бўлишини тилаб қоламан. Айтганингиздек 2024 йилни икки жамоа таркибида ўтказишимга тўғри келди. Мавсумни Навоийда бошлаб Тошкентда тугатдим. Стартни жуда фаол бошладик. Навоийда ҳамма нарса вақтида эди.  Лекин ризқимиз Тошкентда экан. "Бунёдкор"га ҳам жуда яхши мослашиб кетдим. Жамоада ички муҳит аъло даражада бўлди. Шу боис ортиқча қийинчиликка дуч келмадим. Бундан ташқари жамоадагиларни яхши билардим. Инфратузилма, шароитлар бўйича "Бунёдкор"да ҳаммаси зўр эди.

- Иккинчи даврада "Бунёдкор"да позициянгизда рақобат кучли бўлди. Янги жамоага мослашиб кетишингиз қийин кечдими ёки рақобатда ютқазиб қўйдингизми?

- Бу борада муаммоларга дуч келганим йўқ. Рақобат бор жойда ўсиш бўлади. Агар рақобатдан қўрққанимда "Сўғдиёна" ёшлар жамоасида ўйнаб юрган бўлардим ёки "Навбаҳор"нинг юлдузли таркибига бормас эдим. Жароҳатлар футболчи учун энг ёқимсиз ҳолат. Айнан жароҳат сабаб тўлиқ ўзимни кўрсата олмадим. Ҳозирда ҳаммаси аъло даражада.

- "Бунёдкор" ниманинг ҳисобига ўзгарди?

- Жамоага янги қон қуюлди дея оламан. Иккинчи даврада таркибга қўшилган барча футболчилар вазиятни тушуниб тургандик. Йил якунида вазифа бажарилди. "Бунёдкор"да битта катта оила пайдо бўлди. Агарда йил бошида шу таркиб билан бошлаганимизда ишонинг жамоа аниқ кучли бешликка кира оларди. Асосий устун тарафи ҳамжиҳатликда бўлди. 

-  Суперлига-2024 мавсумга ва ўзингизга 10 баллик тизмда қандай баҳо берардингиз? Қанчалик кўнглингиз тўлди?

- Ўзимни ишимни 6 баллга лойиқ кўраман. Асл баҳони мухлислар ва мураббийлар беради. "Навбаҳор" таркибида ўйин амалиётисиз қолганим ва жароҳатлар руҳиятимга таъсир қилди дея оламан. Бу йил 25га яқин учрашувда майдонга тушдим. 2025 йилда ўзимнинг тўлиқ спорт формамга қайтиш учун бор кучимни ишга соламан.

- Келажагингизни қайси жамоа билан боғламоқчисиз?

- Очиғини айтганда аниқ бир таклиф йўқ. "Бунёдкор" билан шартномам 31 декабрь куни якунига етади. Ҳозир ҳамма жамоалар таътилда. Насиб қилса, яқин кунларда янгилик бўлиб қолади. Ҳаммаси яхшиликка.  Таклифларни маслаҳатлашган ҳолда қабул қиламан.

Rating: +4   

Comments

championat.asia
< show latest news
Яндекс.Метрика