Шаҳбоз Беғамов: "Ўзбекистон МТЖ ноябрь ойида қўшниларимиз билан ўйнамоқчи"

Афсуски бундан Суперлига яна азият кўриб, мавсумнинг энг муҳим палласида охирги икки тур ўйинлари жадвали яна ўзгариш арафасида.

ЎФА ва ҚФФ ўртасида тез кунда ўртоқлик учрашувини ўтказиш бўйича келишув расман амалга оширилгач, кейин бу ҳақда эълон қилиниши кутилмоқда.

Тошкентда ўтиши режалаштирилаётган Ўзбекистон Қозоғистон учрашувининг тахминий санаси 17 ноябрь.

ЎФА 20-22 ноябрь кунларига ҳам яна рақиб қидириш ишлари билан банд. Катта эҳтимол Катанец жамоаси ноябрь ойида битта ўйин билан кифояланиб қолмайди. Иккинчи рақиб ким бўлиши ҳозирча номаълум. Қайси федерация сўровга лаббай деса, ўша жамоа билан ўйнасак керак. Иккинчи ўйин қаерда ўтказилиши ҳам номаълум ҳозирча.  

Тушунишимча, ЎФА Катанецга Осиё Кубогига тайёргарлик кўриш масаласида ташкилий тарафлама максимум ишламоқда. Бу йўлда эса Суперлига кўп қурбон қилинмоқда. Ҳар бир ФИФА кунлари ёки бўш ойна вақти терма жамоага йиғин ва яхши спарринг рақиблар тақдим қилаётган ЎФА раҳбарияти эндиликда Осиё Кубогида Катанецдан натижа тарафлама ҳам жиддий талаб ва вазифа қўйиб, сўровини шунга яраша олиши керак. Чунки Катанец маълум имкониятлардан ташқари қўшимча имтиёзли мураббийга айланиб, истаган вақтида терма жамоа йиғмоқда. Талаб ва сўров ҳам шунга яраша бўлиши шарт, албатта", - деб ёзади Шаҳбоз Беғамов телеграмдаги каналида.