Сергей Семак Шомуродовнинг ўйинига баҳо берди

"Элдор юқори даражада ўйин кўрсатмоқда, унинг якунловчи зарбаси, ҳаракатлари ва жамоа учун қилаётган меҳнати ҳаммаси ажойиб. "Ростов"нинг барча ҳужумчилари катта ҳажмдаги ишни бажаришади ва бу жамоанинг ўйинига мувозанат қўшиб туради. Шомуродовга келсам, у мавсум бошидан бери жуда яхши ўйнамоқда, Россия чемпионатининг тўпурарларидан бири ҳисобланади. Элдор мухлисларини хурсанд қилишда давом этмоқда", — дейди Семак.

Эслатиб ўтамиз, Россия чемпионатининг 13-турида пешқадамлар “Зенит” ҳамда “Ростов” ўзаро тўқнашади. Учрашув 19 октябрь куни соат 21:00да бўлиб ўтади.