Latest news

02:16Равшан Эрматов: "Бу ғалаба ўз-ўзидан келиб қолмади"  0 01:55Миллатлар лигаси. 9та гол урилган ўйинда Испания Францияни қийинчилик билан мағлуб қилди ва финалга йўл олди   40 01:41Осиёда яна катта байрам: Иордания ўз тарихида илк бор ЖЧда иштирок этади  6 01:21ЖЧ-2026 саралаши. Бизнинг гуруҳдаги барча масала ҳал бўлди  12 01:13Тимур Кападзе: "Бу ғалаба ҳаммамизники"  6 00:59Сречко Катанец: “Мен жуда қисқа гапираман…”   31 00:46Аббосбек Файзуллаев: "Ҳиссиётларни тасвирлаб бера олмайман"  9 00:35Ўткир Юсупов: "Бугун ота-онамнинг дуосини олиб, дарвозам даҳлсизлигини сақлаб қолишни ният қилиб тушгандим"  12 00:13Жанни Инфантино Ўзбекистонни жаҳон чемпионати йўлланмаси билан табриклади  24 23:52Тимур Кападзе: "Биринчи навбатда муҳтарам Президентимиз ва халқимизни ғалаба билан табриклайман"  43 23:45ЖЧ-2026 саралаши. Саудия Арабистонининг тақдири сўнгги турга қолди  7 23:30Ўзбекистон Республикаси Президенти Шавкат Мирзиёев футболчиларни табриклади  41 22:4534 йиллик орзу ушалди! Ўзбекистон ЖЧда!  622 21:33Иван Шабаров: "Ўзбекистон терма жамоаси футболчисига қизил карточка кўрсатилгани эҳтимол ўйин тақдирини ҳал қилгандир"  5 21:14Фарҳод Нишонов: "Жаҳон чемпионати йўлланмаси Ўзбекистонда футболнинг ривожига жуда катта ҳисса қўшади"  6

Сергей Лушчан: "Қизил карточка, хатолар ва амалга оширилмаган пенальти барчаси яхшиликка" News

Сергей Лушчан: "Қизил карточка, хатолар ва амалга оширилмаган пенальти барчаси яхшиликка"

Ўзбекистон кубоги ярим финал доирасида ўтказилган "Пахтакор" - "Навбаҳор" учрашувидан сўнг меҳмонлар бош мураббийи Сергей Лушан матбуот анжуманида иштирок этди.


- Ўйин ҳақида.

- Ҳеч қандай ақлли ва янги гап айтгим келмаяпти, шунчаки жамоамга раҳмат айтаман. Бир киши кам бўлиб қолган ҳолда ғалаба қозондик. Жамоага алоқадор инсонларга ва мухлисларга катта раҳмат. "Жар" стадиони бугун тўлди менимча. Бугунги байрамнинг асосий сабабчилари - футболчилар. Деярли барча кўрсатмаларни тўғри бажаришди, фақатгина бир-иккита вазиятда хатоларга йўл қўйган бўлишимиз мумкин. "Пахтакор"га қарши бир киши кам бўлиб ўйнаш жуда қийин. Намойиш этган ўйинимиздан ва натижадан ҳам қониқдим.

- Фарруҳ Сайфиевнинг қизил карточкаси жамоани кўпроқ ҳимояланишга мажбур қилиб қўйди. Экстра-таймларда жамоангизни қандай руҳлантирдингиз?

- Футболчиларга қандайдир қўшимча мотивация бериш керакмасди. Уларни шунчаки тинчлантириш керак эди, холос. Қизил карточкадан олдин футболчилар ҳиссиётларга тўлиб кетганди ва ҳаттоки бир-бирларини эшитишмаётганди. Сайфиевга икки баробарлик бонус берамиз. Бундай ўйинларда ўз ҳиссиётларини жиловлашни билиши керак. "Пахтакор" учта яхши вазиятга эга бўлди, аммо улардан фойдалана олмади. Пенальтилар серияси эса - лотерея. Биз ғалаба қозондик ва мен ҳеч нима қўшимча қилмайман.

- "Навбаҳор" биринчи бўлимда тўпга кўпроқ эгалик қилди, аммо иккинчи бўлимда ва четлатишдан сўнг жамоангиз кўпроқ ҳимояга эътибор қаратди. "Пахтакор" ҳам ўзининг яққол вазиятларидан фойдалана олмади. Бугунги учрашувда ва айниқса экстра таймларда ўз дарвозаси дахлсизлигини сақлаб қолганига нима сабаб бўлди деб ўйлайсиз?

- Биз кетма-кет иккинчи учрашувни иккинчи рақамли жамоа бўлиб ўтказмоқдамиз. Ушбу режа ҳозирча иш беряпти. Футболчиларга ҳам ушбу фикрни етказмоқчи бўляпман. "Пахтакор" жуда кўп вазиятларга эга бўлди демаган бўлардим, фақатгина Чераннинг вазияти 100% голга тортар эди. "Пахтакор" жамоаси ҳали ёш ва келажакда янада кучлироқ бўлишларига шубҳа қилмайман. Ўйингача тайёргарлик жараёнида кўпроқ руҳият устида ишладик. Сир эмас, бизда реализация билан муаммолар бор. Ушбу муаммоларни тезроқ ҳал этишимиз керак. Машғулотларда барчаси аъло, аммо ўйинда кўп нарса ўхшамаётганди. Секин-асталик билан муаммоларимизни ҳал этамиз деган умиддаман. Сўнгги икки учрашувда ғалаба қозондик ва умид қиламанки, кейинги учрашувларда ҳам шундай бўлади.

- Футбол жамоатчилиги бугунги учрашувни финалдан олдинги финал деб атаётган эди. Ушбу фикрларга муносабатингизни билдириб ўтсангиз?

- Йўқ. Тўғри, бу жуда муҳим учрашув эди, аммо финал барибир бошқача. Жамоалар номи ўйин аҳамиятини бироз кўпайтирган бўлиши мумкин, лекин иккинчи жуфтлик "Андижон" - "Сурхон" жамоалари ҳам жуда кучли ҳисобланишади. Барчаси ҳали олдинда. Финал - энг муҳим учрашув. Финал баҳси барча футболчининг ёдида қолади. Умид қиламанки, финал учрашувига қадар "лазарет"имиз бироз бўшайди.

- Пенальтилар сериясида ким зарба беришини қандай аниқладингизлар? Серияда ёш футболчи Навруз Иминжонов ўз имкониятидан унумли фойдаланди.

- Биз шунчаки пенальтиларни машқ қилдик. Чорак финал баҳсидан олдин ҳам 11 метрлик зарбалари билан шуғуллангандик. Икки ҳафта давомида ҳар бир машғулотдан сўнг пенальтилар билан банд эдик. Рақиб жамоаси ҳам пенальтиларни машқ қилгани шубҳасиз. Филипп Иванович серияда ўз имкониятидан фойдалана олмади, аммо машғулотларда у умуман хато қилмасди. Бу шунчаки руҳиятга боғлиқ. Нима содир бўлган бўлса, барчасига яхшиликка. Қизил карточка, хатолар ва амалга оширилмаган пенальти барчаси яхшиликка. Биз бугун ғалаба қозондик ва қолгани мени қизиқтирмайди.

- Фарғона водийсининг икки жамоаси финалда иштирок этадиган бўлди. Финал ҳам Фарғонада ўтказилади. Бугун "Навбаҳор" жамоасининг мухлислари ҳужумчи Тома Табатадзени майдонда кутишганди, аммо у захирада қолдирилди. Грузиялик футболчини финалда кўришимиз мумкинми?

- Умид қиламанки, ҳа. Финалга қадар Тома тайёр бўлиб қолиши керак. У яқиндагина жамоага қўшилди. Умумий гуруҳга қўшилганига бор-йўғи уч кун бўлди. У ҳали тайёр эмас. Табатадзе каби тажрибали футболчи барча жамоага керак, аммо ўйин темпи бунга йўл қўймади. Агар ўйин бошқачароқ кечганида, уни захирадан майдонга тушириш режамиз бор эди.

Rating: +14   

Comments

championat.asia
< show latest news
Яндекс.Метрика