Селюк: "Бугундан бошлаб Яя Туре бўйича музокаралар учун очиқмиз"
16 mar 2017 14:47
News

Селюк: "Бугундан бошлаб Яя Туре бўйича музокаралар учун очиқмиз"

"Манчестер Сити" ярим ҳимоячиси Яя Туренинг агенти Дмитрий Селюкнинг сўзларига кўра, унинг мижози бугундан бошлаб бошқа жамоалар билан музокара ўтказишга тайёр.

Футболчи ва "шаҳарликлар" ўртасидаги битим ёзда якунига етади.

"Монако" Чемпионлар лигасининг 1/4 финалига чиққани билан дўстларим Риболовлев ва Васильевни табриклайман. Улар яхши ўйин кўрсатишди, баракалла! Энди расман: Кечаги кунгача Яя Туре борасида ҳеч қандай музокаралар бўлмаган эди, аммо баъзи клублардан таклиф бўлган. Туре икки ярим ойдан сўнг эркин агентга айланади ва бугундан бошлаб Яя борасида музокаралар учун очиқмиз.

Бу қарорга "Манчестер Сити"нинг Чемпионлар лигасини тарк этиши боғлиқ эмас. Аммо Туре "Монако"га қарши жавоб учрашувида иштирок этмагани қизиқ. Унинг агенти бўлганим учун бу гапларни айтмаяпман, Яя ўйнаган сўнгги баҳсларда "Сити" нолга ўйнаган. Улар Туре ёрдамида ҳимоядаги муаммолардан қутилишгандек эди. Аммо бу борада Гвардиолага эътирозим йўқ. Бу мураббий қарори бўлса керак" - дейди Селюк.

Link :

Source : championat.com

Receive latest football news directly on your phone. Subscribe for our Telegram channel!

Rating: +13