Саутгейт Италияга ютқазганидан кейин: "Англиянинг ўйинини танқид қила олмайман, биз яхши ҳаракат қилдик"

"Ўйинимизни танқид қилишга тилим бормайди. Сабаби биз кўпроқ тўп билан муомалада бўлдик, кўпроқ зарба бердик ва аниқ уринишларимиз ҳам рақибдан кўпроқ эди.

Учрашувнинг катта қисмини биз яхшироқ ўтказдик. Бироқ муҳим паллада ҳимояда сусткашликка йўл қўйдик.

Ҳужумда ҳам имкониятларимиз бўлди ва гол уришимиз шарт эди, аммо вазиятлардан унумли фойдаланиш бугун бизга панд берди.

Буларнинг барчаси якунда таблодаги ҳисоб бизга қарши бўлишини таъминлади. Шундай бўлсада, жамоа сифатида бу мағлубиятга тўғри реакция бера оламиз.

Кўп ўйинчиларимиз индивидуал жиҳатдан кучли эканликларини кўрсатиб беришди. Ўйлашимча, бугун кўрсатган ўйинимиз – бу тўғри йўналишдаги яна бир қадам.

Нега гол ура олмаётганимизни тушунтириш мушкул. Биз барчасини бажаряпмиз, лекин якунловчи зарба етишмаяпти", – деди Англия термаси устози.

Англия терма жамоаси Италияга учралган мағлубиятдан сўнг, Миллатлар Лигасининг B Лигасига тушиб кетди.