Сауль: "1974 йил учун қасос олмоқчи эмасмиз"
26 apr 2016 12:03
News

Сауль: "1974 йил учун қасос олмоқчи эмасмиз"

"Атлетико" ярим ҳимоячиси Сауль Ньигес "Бавария"га қарши ўйин олдидан кичик интервью берди.

"Атлетико" Чемпионлар лигаси биринчи ярим финалидаги "Бавария"га қарши ўйинни эртага ўтказади. Эслатиб ўтамиз, 1974 йилги Чемпионлар кубоги финалида "Бавария" "матрасчилар"ни мағлуб этган эди.

"Биз 1974 йил учун қасос олмоқчи эмасмиз, шунчаки мақсадимиз сари интилишда давом этишни истаймиз", - дейди Ньигес "AS"га.

"Бизга ҳамма бирга ишлаши муҳим, ҳар бир тўп учун "ўлгунимизча" курашмоғимиз лозим. Бу ўйинга финалдек қарашимиз керак, фақат шундагина биз "Бавария" билан рақобатлаша оламиз".

"Соғ футболчиларнинг барчаси ўйинга тайёр. Биз бутун мавсум шуғулландик ва ҳозир тайёрмиз. Бу учрашувларда бизда қўшимча мотивация бўлади, шундай экан ҳеч қанақанги босимга зарурият йўқ. Ўйинни умид билан кутамиз", - дейди хавбек.

"Чемпионлар лигаси ва Ла Лига учун курашамиз. Босқичма-босқич. Биз қурбонлар эмасмиз, ҳотиржамлик билан келажакдаги ўйинларни кутамиз", - дея ўз сўзини якунлади Сауль.

Link :

Source : AS

Receive latest football news directly on your phone. Subscribe for our Telegram channel!

Rating: +4