Саудияликлар Лондонда. Улар Салоҳ учун 200 млн. фунт таклиф қилишмоқчи
04 sep 2023 23:45
News

Саудияликлар Лондонда. Улар Салоҳ учун 200 млн. фунт таклиф қилишмоқчи

Саудияликлар Муҳаммад Салоҳ трансферидан воз кечишмади.

Олдинроқ, "Ал Иттиҳод" "Ливерпуль" ҳужумчисига қизиқиш билдираётгани айтилган эди.

"Қизиллар" Салоҳни сотишни хоҳламасада, Саудия Арабистони клуби футболчи учун 200 млн. фунт таклиф қилишга тайёр.

Маълумотларга кўра, Саудия Арабистони делегацияси Салоҳни харид қилиш бўйича сўнгги уринишни амалга ошириш учун Лондонга етиб келган. "Ал Иттиҳод" вакиллари яқин икки сутка ичида "Ливерпуль"ни 200 млн. фунтга кўндиришга уринишади.

Саудия Арабистонида трансфер ойнаси пайшанба куни ёпилади. Баъзи манбаларнинг ёзишича, "Ал Иттиҳод" Салоҳга эриша олмаса, тезда бошқа футболчи борасида музокараларни бошлашади.

Link :

Source : Daily Mail

Receive latest football news directly on your phone. Subscribe for our Telegram channel!

Rating: +5