Саудия Арабистони U-23 бош мураббийи: "Шогирдимнинг четлатилишига Ўзбекистон терма жамоасининг тактикаси сабаб бўлди"
27 apr 10:55
News

Саудия Арабистони U-23 бош мураббийи: "Шогирдимнинг четлатилишига Ўзбекистон терма жамоасининг тактикаси сабаб бўлди"

Tags : Саудия Aрабистони U-23 Саад Ал Шеҳри

Саудия Арабистони U-23 терма жамоаси бош мураббийи Саад Ал Шеҳри Ўзбекистонга қарши ўйиндан кейинги матбуот анжуманида иштирок этди.

"Учрашув биз кутгандек қийин руҳда ўтди ва икки жамоанинг ҳам майдон марказини назорат қилишга уринишига гувоҳ бўлдик. Биз кучли ва тактик жиҳатдан уюшқоқ жамоага қарши ўйнадик. Беллашув тенг курашлар остида ўтди, аммо Ўзбекистон вазиятлардан унумли фойдалана олди. Иккинчи бўлимда имкониятлар юзага келтириб, ҳисобни тенглаштиришга ҳаракат қилдик, аммо гол ура олмадик.

Баъзи вазиятларда хотиржамроқ ҳаракат қилишимиз керак эди. Мен мағлубиятда футболчиларни айблай олмайман, чунки Ўзбекистон турнир фаворитларидан бири эди.

Яҳёнинг четлатилишига Ўзбекистон терма жамоасининг тактикаси сабаб бўлди. Уларнинг бу усули ҳимоячиларимизни чекинишга ва бир чизиқда туриб, рақибни ўтказиб юбормаслик учун шиддатлироқ ўйин намойиш этишга мажбур қилди.

Биз турнирнинг ушбу босқичидан енгиб ўтишни ҳамда ярим финал ва Париждаги Олимпия ўйинларига йўлланмани қўлга киритишни интиқлик билан кутаётган эдик, аммо биз қийин рақибга дуч келдик. Мағлубият учун саудиялик мухлислардан узр сўраймиз. Бу ўйинни хурсанд ҳолда тарк этмадик, лекин ўзимиз учун келажак авлодни кашф этдик. Мағлубият ўтмишда қолди, эндиликда Саудия футболига хизмат қиладиган ёш авлодни шакллантиришга эътибор қаратамиз", — деди Ал Шеҳри.

Link :

Source : Championat.asia

Receive latest football news directly on your phone. Subscribe for our Telegram channel!

Rating: +32