Сардор Рашидов Осиё Кубоги расмий сайти эътирофида

"23 ёшни қарши олган Рашидов Ўзбекистон терма жамоасининг истеъдодли футболчиларидан бири ҳисобланади.

У Ривалдо орқали машҳурликка эришган "Бунёдкор" жамоасида 2010 йилдан бери тўп тепади.

Тошкент атрофидаги кичик шаҳарлардан бирида туғилган футболчи айни пайтда жамоасининг муҳим аъзоларидан бири ҳисобланади", - дейилади мақолада.

Шунингдек, унинг "Бунёдкор" сафида қўлга киритган ютуқлари ҳам айтиб ўтилган.

"У терма жамоадаги илк ўйинини ОК-2015 саралаши доирасида Вьетнам жамоасига қарши ўтказган. 3:1 ҳисобида Ўзбекистоннинг ғалабаси билан якунланган ўша ўйинда у терма жамоадаги дастлабки голини ҳам киритишга улгурган.

Шундан бери у терма жамоада тўп тепиб келади. Декабрь ойида бўлиб ўтган йиғинларда у ўз голлари билан Фаластин, Иордания терма жамоалари устидан ғалаба қозонишга ўз ҳиссасини қўшди.

"Оқ бўрилар" мухлисларига шуни айтиб ўтишимиз мумкин-ки, Рашидов айни пайтда ажойиб формада. Хитой, КХДР, Саудия Арабистони терма жамоалари ўрин олган гуруҳда кураш қизғин кечиши аниқ", - дея фикр билдирилган турнир расмий сайтида.