Санчес учун икки харидор бор

"Calciomercato" хабарига кўра, Алексис Санчесни "Вест Хэм" ҳамда "Марсель" клублари ўз таркибида кўришни истамоқда. Шунингдек, "Бетис" ва "Севилья" каби клублар ҳам бунга қарши эмас.

Олдинроқ чиққан хабарларга кўра, маоши юқорилиги сабабли кўплаб клублар уни таркибига қўшиб ололмаслигини билдирган. "Нерадзурри" эса сўнгги пайтларда кўплаб жароҳатлар олиб, кам ўйин амалиётига эга бўлаётган футболчини текинга қўйиб юборишга тайёрлигини ҳам маълум қилган.

Санчеснинг "Интер" билан шартномаси 2023 йилга қадар давом этади. У айни дамда йилига 7 миллион евро маош олмоқда.