Latest news

07:30Суперлига. Бугун 11-тур якунланади  0 06:40Суперлига. "Навбаҳор" йирик ҳисобда зафар қучди, "Пахтакор" ва "Динамо" эса ўйиннинг охирги дақиқаларида уч очкони қўлга киритди  0 02:36ЖЧ-2026 саралаши. БАА Ўзбекистон ва Қирғизистонга қарши ўйинлар учун таркибини эълон қилди  10 02:29Баҳром Ҳайдаров: "Навбаҳор" каби жамоага қарши ўйинда 0:3 ҳисобидан кейин ўйинга қайта олиш жуда қийин"  1 02:25Ла Лига. "Барселона" мавсумдаги сўнгги ўйинда меҳмонда "Атлетик"ни йирик ҳисобда мағлуб этди  10 02:11А Серия. "Рома" сўнгги турда "Торино"ни мағлуб этди, аммо параллель ўйинда "Юве" меҳмонда "Венеция"ни мағлуб этиб, тўртинчи ўрин билан ЧЛга йўл олди  33 01:32Сергей Лушан: "Мен бу масалада ҳоким билан кўп гаплашганман. Буни аллақачон амалга ошириш керак эди"  1 01:11Гёкереш "Спортинг" ва Швеция сафида мавсумдаги 63-голини урди - бу сафар Португалия кубоги финалининг 100-дақиқасида пенальти орқали  0 00:53Камолиддин Тожиев: "Муҳими уч очкони қўлга киритдик. Ўн нафар футболчимиз терма жамоаларга йўл олишади"  20 00:31Ҳаким Фузайлов: "Жамоам намойиш этган ўйиндан уялмайман"  5 00:24"Ливерпул"га АПЛ ғолиблиги учун кубокни қабул қилиб олди  9 23:32U-17 Жаҳон чемпионатига қуръа ташланди. Ўзбекистон "J" гуруҳидан жой олди  21 23:14Туркия Суперлигаси. "Ризеспор" меҳмонда сенсацион тарзда "Бешиктош"ни таслим этди, Алиқулов сўнгги дақиқаларда майдонга туширилди  0 23:00Суперлига. "Динамо" 90+8-дақиқада камбэк эвазига "Қизилқум"ни мағлуб қилди  39 22:11ҚПЛ. "Турон" ўз уйида "Тобол"га мағлуб бўлди, мезбонлар сафида уч ўзбекистонлик ҳаракат қилди  0

Самвел Бабаян: "Пахтакор"да ўйин услуби йўқ. Жамоани фақатгина бир инсон қутқармоқда" News

Самвел Бабаян: "Пахтакор"да ўйин услуби йўқ. Жамоани фақатгина бир инсон қутқармоқда"

Coca Cola Суперлигаси 16-тури доирасида "Пахтакор"га қарши ўйиндан кейин "Навбаҳор" бош мураббийи Самвел Бабаян матбуот анжуманида иштирок этди.



- Чемпионатдаги энг асосий ўйин ҳақида нима ҳам дейиш мумкин. Мухлисларимиз олдида мағлубият учун узр сўрайман. Биринчи бўлим биз учун "провал" тарзда ўтди. Бир қанча футболчилар ўз вазифасини бажара олмади, курашларда мағлуб бўлди. Буларнинг факти ўтказиб юборилган икки гол. Иккинчи бўлимда нималарнидир тўғрилай олдик. Ҳа, балки, ўйинда олдиндан ўйланган ҳеч нима қилингани йўқ, деб бемалол айтсам бўлади. Ўйинда асосан ҳиссиётлар биринчи ўринда турди. Гол урдик, вазиятдан чиқиб кетишимиз учун яна вазиятлар бўлди. Албатта, мағлубиятга лойиқ эмасдик. Очиқ айтаман, иккинчи ўйинда ҳам дурангга лойиқ баҳс бўлди. Тошкентда ҳам, бу ерда ҳам омад келмади. Иккита дурангга мос ўйинда биз рақибга мағлуб бўляпмиз. Чемпионлик учун курашни бироз қийинлаштирдик. Бироқ олдинда ҳали 10та ўйин бор. Барчасини тахлил қилган ҳолда жамоани тайёрлаймиз. Афсуски, ўйиндан кейин бундай эмоциялар бўлишини истамагандик. Энди бу ҳолатни тўғрилашимиз керак. Ўйин олдидан бўлган ажиотаж ва атмосферанинг барчаси айни дамда "Навбаҳор" шарафини ҳимоя қилаётган футболчилар сабабли. Ҳа, бугун ўхшамади. Сабабларини ҳали кўриб чиқишимиз керак. Йигитлар жуда кўп ишлашади, меҳнат қилишади. Аммо Бекободда сўнгги дақиқада ғалабани қўлдан чиқардик. Афсуски, футболда шундай "провал" ҳолатлар ҳам бўлиб туради. Бироқ такрорлайман, бу ерда руҳи тушмайдиган, шаъни учун курашадиган футболчилар йиғилган.

- Жамоанинг ғалабасиз ўйинлари серияси иккитага етди. Бу ОЧЛ ўйинидан олдин ҳавотирли эмасми? ОЧЛ баҳсига алоҳида режалар тузилганми?

- ОЧЛ ўйинига қадар Кубок баҳсини ўтказишимиз керак. Халқаро майдон учун тайёргарликни Кубок ўйинидан кейин бошлаймиз. Ҳозир бизда сенсацион натижалар кўпайди. Шу сабабли биз ҳам Нукусда курашишимиз керак. Оддий ўйинлар йўқ, у ерда ҳам асосий таркибимиз билан ўйнаймиз.

- "Навбаҳор" ушбу мавсум гранд жамоаларни мағлуб эта олмади. Бунга нима сабаб бўлмоқда?

- Ҳақиқатдан ҳам бу муаммо. Кучли тўртликдан ташқари қолган барча жамоаларни мағлуб этдик. Барчаси руҳий тайёргарликка боғлиқ. Навбатдаги ўйинга қадар ишлар тўғриланади ва келаси баҳсда барчаси кўрина бошлайди. 

- "Навбаҳор" ўйиндан олдин "Пахтакор"нинг уч ҳимоячи билан ўйнашига тайёрланганмиди ёки тўрт ҳимоячи?

- Профессионал савол. Тўғрисини айтсам, тайёргарликда бу инобатга олинмайди. Одамлар жамоаларда 5-6 хил услуб бўлиши керак деб ҳисоблашини эшитганман. Аммо ўтган 3-4 йил давомида жамоаларда кўплаб мураббийлар ўзгарди. Бу ерда муаммо бутун бир схемада ёки режада эмас. Бутун бир жамоани биргина инсон олиб чиқиб кетиши мумкин - бу жамоа сардори. У жамоани барча вазиятдан олиб чиқиб кетмоқда. Буни билардик, аммо у бугун ҳам гол урди ва асосий фигурага айланди. У жамоанинг асосий девори. Черансиз "Пахтакор"ни Самарқандда кўрдик. Биринчи бўлимнинг ўзида жамоа учта гол ўтказиб юборди. Шу сабабли тан олиш керак, Чераннинг етакчилик салоҳияти сабабли "Пахтакор" бир неча йиллардан буён натижа қилиб келмоқда. 

- Черан каби легионерни олиб келиш учун "Навбаҳор"га нима етишмаяпти?

- Биздаги барча легионерларнинг савияси нормал даражада. Ҳужум чизиғимизда эса фақатгина бир футболчи бор - Тома Табатадзе. Ҳужумкор футболчиларимизнинг барчаси терма жамоада ўйнашади. Жамоага легионер олиб келишдан мантиқ кўрмаяпман. Бугун Ўрунов жароҳат олди ва алмаштирилди. Қолган ҳужумкор футболчилар ҳам ўз даражасидан пастроқ ўйнади. Шу сабабли ҳужум чизиғини кучайтиришдан маъни йўқ деб ҳисоблайман. Табатадзе бугун гол урди. У жамоамиз учун муҳим футболчи.

- Футболчилар майдонда хато қилишдан қўрқиб ўйнагандек туюлди?

- "Навбаҳор" футболчисида доимо босим бор ва бўлади, ҳар қандай ҳолатда. Мухлисларга тўла стадионни хурсанд қилиш учун барчада катта иштиёқ бўлиши керак. Бу эса футболчиларимизга таъсир ўтказиши керак. Шу боисдан барча футболчилар босимни ҳис қилиб туришади.

- "Навбаҳор" мана иккинчи мавсумдирки, қанот ҳимоячилари бўлмаган футболчиларни қанотда ўйнатмоқда. Сиз ўзингизга керакли қанот ҳимоячиларини топа олмаяпсизми ёки бошқа сабаб борми?

- Бугунги ўйиндаги асосий муаммо - биринчи голда чап қанот ҳимоясидаги қониқарсиз ўйин. Бу факт. "Пахтакор"да Черан каби муҳим бўлган Алижонов чап қанотимизни ёндириб кетди. Ҳа, айнан қанотлар сабабли рақиблар кўплаб ҳужумлар қилишди. Даврон Ҳошимов жароҳати сабабли ўйинда иштирок эта олмади. Бу ҳам биз учун муаммо бўлди.

Rating: -97   

Comments

championat.asia
< show latest news
Яндекс.Метрика