Самарқандда финал чипталари сотилмоқда
28 nov 2016 14:29
News

Самарқандда финал чипталари сотилмоқда

30 ноябрь, чоршанба куни Самарқанддаги «Динамо» стадионида бўлиб ўтадиган Ўзбекистон Кубоги финал баҳси учун чипталар сотуви давом этмоқда.

«Динамо» ўйингоҳи кассаларида сотилаётган чипталар баҳоси 10 минг сўмдан сотилмоқда. Фақатгина марказий сектор чипталари баҳоси 20 минг сўмни ташкил этади.

«Динамо» стадиони маъмуриятининг маълум қилишича, чипталар савдоси ҳар куни стадион кассаларида нақд пул ва пластик карточкалари орқали йўлга қўйилган. Шунингдек, чипталарни пул кўчириш йўли билан ҳам сотиб олиш мумкин.

Қайд этилишича, чипталар сотуви ўйин куни тўхтатилади, шу боис финал баҳсини томоша қилишни истовчи мухлислар чипталарни олдинроқ харид қилишлари лозим.

Эслатиб ўтамиз, 30 ноябрь кунги финалда Қаршининг «Насаф» клуби ярим финалда «Бунёдкор»дан устун келган «Локомотив»га қарши тўп суради. Учрашув 13:00 да бошланади.

Link :

Source : fcdinamo.uz

Receive latest football news directly on your phone. Subscribe for our Telegram channel!

Rating: +6