Самарқанд вилояти ҳокими ташаббуси билан «Динамо»га янги қароргоҳ қурилади
13 oct 2018 13:56
News

Самарқанд вилояти ҳокими ташаббуси билан «Динамо»га янги қароргоҳ қурилади

Самарқанд вилояти ҳокими Эркинжон Турдимов чоршанба куни “Динамо” стадионида клуб раҳбарияти, мураббий ва футболчилар ҳамда мухлислар иштирокида йиғилиш ўтказганлиги ҳақида хабар берган эдик.

Ушбу йиғилишда вилоят раҳбари клубнинг бугунги ҳолати билан танишиш ва жамоа моддий техник базаси ва шарт-шароитларини яхшилаш борасида кўрсатмалар берганди.

Шунга мувофиқ, белгиланган режаларнинг амалий давоми сифатида куни кеча Эркинжон Турдимов “Динамо” футбол клуби қароргоҳида бўлиб аҳвол билан яқиндан танишди ва жамоани қийнаётган муаммоларни шахсан кўздан кечирди. Ташриф давомида вилоят ҳокими “Динамо” футбол клубига янги қароргоҳ қуриш борасида мутасаддилардан таклифлар киритишни сўради. Шаҳардаги мавжуд спорт базалари ҳолати тузилган ишчи гуруҳ томонидан кўриб чиқилгач, янги қароргоҳнинг қаердан қурилиши борасида аниқ тўхтамга келинади.