Салим Зокиров: «10 соатлик йўл босган футболчилар 20 дақиқа футбол ўйнашди холос»
01 jun 2017 07:35
News

Салим Зокиров: «10 соатлик йўл босган футболчилар 20 дақиқа футбол ўйнашди холос»

Ўзбекистон Кубогининг 1/8 финал босқичидан ўрин олган “Машъал” – “Ёзёвон-Лочинлари” (4:0) учрашувидан сўнг ташкил этилган матбуот анжуманида ёзёвонликлар жамоаси бошлиғи Салим Зокиров ўз фикрларини билдириб ўтди.

- Биринчи ва олий лига ўртасидаги тафовут мана шундай ўйинларда ҳам билинади. Ҳозир бизнинг жамоа жуда қийин аҳволни бошидан ўтказмоқда. Чунки клуб раҳбари жамоанинг моддий техник базасини яхшилаш билан овора. Шунинг учун раҳбарларнинг диққати шунга қаратилган. Қолаверса, Ёзёвондаги стадион ҳам анча эскирган. Умуман замон талабларига жавоб бермас эди. Айни пайтда бизнинг стадионда ҳам таъмирлаш ишлари олиб борилмоқда. Иккинчи даврадан ПФЛ талабларига жавоб берадиган ўйингоҳдан фойдаланамиз.

- Бугун 10 соат йўл босиб келдик. Шунинг учун футболчилар 20 дақиқа футбол ўйнай олишди холос. 20 дақиқадан сўнг улар майдонда шунчаки иштирокчи сифатида юришди - дейди Зокиров.

«Машъал» матбуот хизмати.