Руминияда Мутунинг хайрлашув учрашуви бўлиб ўтди. Унда Трезеге, Хассельбайнк, Макелеле каби ўтмишдаги юлдузлар қатнашди

Собиқ ҳужумчи “Челси”, “Ювентус”, “Интер”, “Фиорентина” каби машҳур жамоалар шарафини ҳимоя қилган.

Унинг хайрлашув ўйини эса якшанба куни Руминиянинг Клуж шаҳрида ўтказилди. Баҳс Руминия афсоналари ва жаҳон юлдузлари ўртасида бўлиб ўтди ҳамда унда жанговар дуранг қайд этилди – 3:3.

Жаҳон юлдузлари сафида Давид Трезеге, Жимми Флойд Хассельбайнк, Клод Макелеле, Лука Тони, Риккардо Монтоливо ҳаракат қилган бўлса, рақиб жамоа таркибидан Адриан Йенчи, Габриэль Тамаш, Даниэл Кирицэ каби футболчилар ўрин олганди. 43 ёшли Муту иккала жамоа (таймлар давомида) сафида майдонга тушди.