Рўзиқул Бердиев: "Кутилмаган натижалар бўлгани яхши"

"Биз ўйинни яхши бошлагандик. Аммо ўтказиб юборилган гол барчасини ўзгартириб юборди. Бундай тажрибали жамоага қарши бундай ўйнаш хавфли. Иккинчи бўлим бошида гол ўтказиб вазифамизни янада қийинлаштириб олдик.

Осиё чемпионлар лигаси баҳслари ҳар йилгидан вақтлироқ бошланди. Шу боис жамоалар мавсумга тайёргарликни анча вақтли бошлашди. Бу мусобақада ўйнаган барча клубларга қийин бўлаётгани рост. Аммо бу баҳона бўла  олмайди. Бунга кўникиш керак. Тайёргарликни шунга қараб олиб бориш керак.

Бугун рақиб маҳоратлироқ ўйнади, индивидуал томонлама яхшироқ ҳаракат қилишди. Бикмаев гол урганда шу кўзга ташланди.

Жамоамиз таркиб ёки жисмоний томонлама ютқазмади.

Кутилмаган натижалар қайд этилиши яхши ҳолат. Ўтган йилларда 6-7-турларга келиб қайсидир жамоа якка пешқадам бўлиб оларди. Ҳозир эса вазият буткул бошқача. Чемпионатимиз ҳар йилгига нисбатан бошқача ўтмоқда.

Етакчи футболчи ҳар бир жамоага керак. Аммо бутун ўйинни назорат қиладиган ўйинчи йўқ. Эркинов жароҳат олди, у Черан билан тандем бўлиб ўйнаганида самарали ҳаракат қилишарди", - дейди Рўзиқул Бердиев.