Рўзиқул Бердиев: "Бу дурангдан бошқа жамоалар манфаат топди"

Ўйин ҳақида

- Бугунги ўйин чемпионатимиздаги энг яхши учрашувлардан бири бўлди. Бунга муҳитни ҳам, ўйинни ҳам сабаб сифатида кўрсатсак бўлади. Мана шу каби ўйинлар кўп бўлса, чемпионатимизнинг савияси, даражаси кўтарилганидан далолат беради.

Учрашувни яхши бошладик, гол уриб олдик. Стандарт вазиятга эътибор қаратишимиз лозим эди, афсуски гол билан тугади. Умуман "Андижон" жамоаси курашувчан рақиб. Бугунги дурангдан бошқа клублар манфаат топди назаримда.

- "Насаф" бугун очко йўқотди деган фикрлар айтилди. Сизнинг бу борадаги қарашингиз қандай?

- Йўқотишлар ҳали ҳамма жамоада бўлади. Чемпионатимиздаги кўп жамоаларнинг даражаси тенглашиб бораяпти. Бугун ғалаба учун ўйнагандик. "Андижон" жамоаси ўз мухлислари қаршисида жуда яхши футбол намойиш этади. Ўйинга қайтадиган бўлсак, голдан сўнг биз оддий футбол кўрсатишга ўтиб қолдик. Иккинчи бўлимда ўзгаришлар тўп назоратига замин яратди, вазиятларимиз бўлди, бироқ голга айлантира олмадик.

- Жавоҳир Сидиқов захирада қолганига сабаб нима?

- Жамоамизда рақобат бор. Биз барчага имкон бериб бораяпмиз. Жавоҳир "Пахтакор"га қарши ўйиндан сўнг жароҳат олганди.

- "Навбаҳор"га қарши кетма-кет иккита ўйин ўтказасизлар. Шу ўйинлар ҳақида фикрингиз қандай?

- Биз барча жамоа билан ўйнай оламиз, буни бир неча бор исботлаганмиз. Шу сабабдан барча жамоаларга қарши ғалаба учун майдонга чиқамиз.